തിരുവനന്തപുരം : ദുരിത ജീവിതതില്‍ നിന്നും റാഗിംഗ് ലെ താരം ജമീല മാലിക് (73) യാത്രയായി . മലയാളത്തിനു നഷ്ടമായത് വെള്ളിത്തിരയില്‍ കഴിവ് തെളിയിച്ച ആദ്യകാല നടിയെ. പൂനെ ഫിലിം ഇന്‍സ്റ്റിറ്റിയൂട്ടില്‍ നിന്നും അഭിനയം പഠിച്ചിറങ്ങിയ മലയാളത്തിലെ ആദ്യ വനിതയാണ് ജമീല മാലിക്. ദുരിത ജീവിതമായിരുന്നു അവസാന കാലത്തുണ്ടായിരുന്നത്. ഏക മകനുമൊത്ത് തിരുവനന്തപുരം ബീമാപള്ളിക്കടുത്ത് വാടക വീട്ടിലായിരുന്നു താമസം.
സിനിമയില്‍ മാത്രമല്ല സീരിയലുകളിലും ജമീല അഭിനയിച്ചിട്ടുണ്ട്. റേഡിയോ നാടക രചയിതാവുമായിരുന്നു. ആകാശവാണിക്കുവേണ്ടി പന്ത്രണ്ടോളം നാടകങ്ങള്‍ എഴുതിയിട്ടുണ്ട്. ഹിന്ദി, തമിഴ്, തെലുങ്ക്, മലയാളം ഭാഷകളിലായി നിരവധി ചിത്രങ്ങളില്‍ അഭിനയിച്ചു. ‘ജയ് ജവാന്‍ ജയ് മഖാന്‍’, ‘വിലാപ്’ തുടങ്ങിയ ചിത്രങ്ങളിലെല്ലാം മികച്ച വേഷങ്ങളിലെത്തി. ‘റാഗിംഗ്’ ആയിരുന്നു ആദ്യപടം. ആദ്യത്തെ കഥ, രാജഹംസം,ലഹരി,? കഴുകന്‍ തുടങ്ങിയ ചിത്രങ്ങളില്‍ നായികയായി. വിന്‍സെന്റ്, അടൂര്‍ ഭാസി, പ്രേംനസീര്‍, രാഘവന്‍ എന്നിവരോടൊത്ത് അഭിനയിച്ചിട്ടുണ്ട്. ലക്ഷ്മി, അതിശയരാഗം എന്നീ തമിഴ് ചിത്രങ്ങളിലും നായികയായി.
