കോഴിക്കോട്: നാട്ടികയിലെ എല്‍ ഡി എഫ് സ്ഥാനാര്‍ത്ഥി മരിച്ചതായി ബി ജെ പി മുഖപത്രത്തില്‍ വ്യാജ വാര്‍ത്ത. നാട്ടികയിലെ സി പി ഐ സ്ഥാനാര്‍ത്ഥിയായ സി സി മുകുന്ദന്‍ മരിച്ചതായാണ് ചരമ പേജില്‍ ജന്മഭൂമി വാര്‍ത്ത നല്‍കിയത്. ജന്മഭൂമി തൃശൂര്‍ എഡിഷനിലാണ് വാര്‍ത്ത വന്നത്.
സംഭവം വിവാദമായതിന് പിന്നാലെ പത്രത്തിന്റെ ഇ-പതിപ്പ് പിന്‍വലിച്ചിട്ടുണ്ട്. ജന്മഭൂമിക്കെതിരെ നിയമ നടപടി സ്വീകരിക്കുമെന്ന് സി പി ഐ അറിയിച്ചു. ഇന്നലെയാണ് നാട്ടികയിലെ സിറ്റിംഗ് എം എല്‍ എയായ ഗീതാ ഗോപിയെ മാറ്റി സി സി മുകുന്ദനെ സി പി ഐ സ്ഥാനാര്‍ത്ഥിയായി പ്രഖ്യാപിച്ചത്.
