മല്ലപ്പള്ളി : അതിവേഗ റെയിൽ പദ്ധതികളിൽ കെ -റെയിലിനു തന്നെയാണ് സർക്കാരിന്റെ മുൻഗണന എന്നും അതുമായി മുന്നോട്ടു പോവുകയാണെന്നുമുള്ള മുഖ്യമന്ത്രിയുടെ നിയമസഭയിലെ മറുപടി ജനങ്ങളോടുള്ള വെല്ലുവിളിയാണെന്ന് കേരള കോൺഗ്രസ് വൈസ് ചെയർമാൻ ജോസഫ് എം. പുതുശ്ശേരി.
ഇനി കേന്ദ്രാനുമതി ലഭിച്ചെങ്കിലെ കെ -റെയിൽ പദ്ധതിയുമായി മുന്നോട്ടുള്ളൂ എന്ന് അടുത്തിടെ മുഖ്യമന്ത്രി പറഞ്ഞതിന്റെ മഷി ഉണങ്ങിയിട്ടില്ല. അതിനു വിപരീതമായി പെട്ടെന്ന് വന്ന ഈ നിലപാട് മാറ്റം തികഞ്ഞ ഇരട്ടത്താപ്പാണ്. പുതുപ്പള്ളി തെരഞ്ഞെടുപ്പ് ലക്ഷ്യം വെച്ച് ജനങ്ങളെ തെറ്റിദ്ധരിപ്പിക്കാനുള്ള സൂത്രവിദ്യയായിരുന്നു ആദ്യ പ്രഖ്യാപനം എന്ന് ഇതിലൂടെ വ്യക്തമായിരിക്കുകയാണ്.
കെ -റെയിൽ വരും കേട്ടോ എന്ന് തൃക്കാക്കരയിൽ ആവർത്തിച്ചുരുവിട്ടുകൊണ്ടിരുന്ന മുഖ്യമന്ത്രി പുതുപ്പള്ളിയിൽ ഇത് സംബന്ധിച്ചു ഒരക്ഷരമുരിയാടിയില്ല. ഈ രണ്ട് ഉപതിരഞ്ഞെടുപ്പുകളിലും ജനങ്ങൾ ശക്തമായ പ്രഹരമേൽപ്പിച്ചിട്ടും അതിൽ നിന്ന് പാഠം പഠിക്കാതെ ജനങ്ങളെ ശിക്ഷിക്കാനുള്ള പടപ്പുറപ്പാടാണ് സർക്കാർ ലക്ഷ്യമെന്ന് മുഖ്യമന്ത്രിയുടെ ഒടുവിലത്തെ നിയമസഭാ മറുപടി വ്യക്തമാക്കുന്നു. കേരളത്തെ മുച്ചൂടും മുടിക്കുന്ന പദ്ധതിയാണിതെന്ന ഇടതു സഹയാത്രികരായ ശാസ്ത്ര സാഹിത്യ പരിഷത്തിന്റെ അടക്കം പഠന റിപ്പോർട്ടുകൾ പുറത്തുവന്നിട്ടും വിദഗ്ധരാകെ അഭിപ്രായപ്പെട്ടിട്ടും അതൊന്നും ചെവിക്കൊള്ളാതെ മുഖ്യമന്ത്രി പ്രകടിപ്പിക്കുന്ന പിടിവാശി ഭരണാധികാരികൾക്ക് ഭൂഷണമല്ല. സർക്കാരിന്റെ സർവ്വ സന്നാഹങ്ങളുമായി മഞ്ഞക്കുറ്റി സ്ഥാപിക്കാൻ ഒരുങ്ങി പുറപ്പെട്ടിട്ടും ജനകീയ പ്രതിരോധത്തിനു മുമ്പിൽ മുട്ടുമടക്കി പിൻവാങ്ങേണ്ടി വന്ന അതേ അനുഭവമാണ് ഇക്കാര്യത്തിലും മുഖ്യമന്ത്രിയെ കാത്തിരിക്കുന്നതെന്നും ഒരു കാരണവശാലും ഇത് അനുവദിക്കില്ലെന്നും പുതുശ്ശേരി പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
