ആലപ്പുഴ : കാവാലത്ത് യുവതിയെ പ്രണയം നടിച്ച്‌ ലൈംഗികമായി പീഡിപ്പിച്ചെന്ന പരാതിയില്‍ യുവാവ് അറസ്റ്റില്‍. കണ്ണൂര്‍ തലശ്ശേരി സ്വദേശി ഷംനാസാണ് അറസ്റ്റിലായത്. 20 കാരിയായ നഴ്സിങ് വിദ്യാര്‍ഥിനിയുടെ പരാതിയിലാണ് പോലീസ് നടപടി. പെണ്‍കുട്ടിയുടെ നഗ്‌ന ചിത്രങ്ങളും ഇയാള്‍ ഫേസ്ബുക്കിലൂടെ പ്രചരിപ്പിച്ചതായും പെണ്‍കുട്ടിയുടെ പിതാവ് നല്‍കിയ പരാതിയില്‍ പറയുന്നു.
സാമൂഹ്യ മാധ്യമം വഴിയാണ് ഇയാള്‍ പെണ്‍കുട്ടിയെ പരിചയപ്പെട്ടത്. തുടര്‍ന്ന് പെണ്‍കുട്ടിയെ കാണാന്‍ നിരവധി തവണ ആലപ്പുഴയിലെത്തിയിരുന്നു. പെണ്‍കുട്ടിയെ പീഡിപ്പിച്ച ശേഷം യുവാവ് ഭീഷണിപ്പെടുത്തി മതം മാറ്റാന്‍ ശ്രമിക്കുകയായിരുന്നു. മതം മാറിയില്ലെങ്കില്‍ നഗ്‌ന ചിത്രങ്ങള്‍ സമൂഹമാഹദ്ധ്യമങ്ങളില്‍ പ്രചരിപ്പിക്കുമെന്നും കുടുംബത്തെ കൊല്ലുമെന്നുമാണ് ഇയാള്‍ ഭീഷണിപ്പെടുത്തിയതെന്നും പരാതിയില്‍ പറയുന്നു.
പെണ്‍കുട്ടി വഴങ്ങാതെ വന്നതോടെ യുവാവ് ചിത്രം പെണ്‍കുട്ടിയുടെ സുഹൃത്തിന് അയച്ചുകൊടുക്കുകയും ഫേസ്ബുക്കില്‍ പോസ്റ്റ് ചെയ്യുകയും ചെയ്തതായും പരാതിയിലുണ്ട്. പ്രതിയുടെ സുഹൃത്തുക്കള്‍ക്കും സംഭവത്തില്‍ പങ്കുണ്ടെന്ന ആരോപണങ്ങളും ഉയരുന്നുണ്ട്.
