തിരുവനന്തപുരം : ഓര്‍ഡിനന്‍സിന് അംഗീകാരം നല്‍കിയ ശേഷം അതേ ബില്ലുകള്‍ക്ക് ഗവര്‍ണര്‍ അനുമതി നല്‍കാത്തത് ചട്ടവിരുദ്ധമെന്ന് സര്‍ക്കാരിന് നിയമോപദേശം ലഭിച്ചു. ലോകായുക്ത നിയമഭേദഗതി ഓര്‍ഡിനന്‍സിന് ഗവര്‍ണര്‍ അംഗീകാരം നല്‍കുകയും ബില്ലായപ്പോള്‍ അംഗീകാരം നിഷേധിക്കുകയുമായിരുന്നു. ഇത് തെറ്റായ നടപടിയാണെന്ന് സുപ്രീം കോടതിയിലെ മുതിര്‍ന്ന അഭിഭാഷകര്‍ സര്‍ക്കാരിനെ അറിയിച്ചു. ഫാലി എസ്.നരിമാന്‍, കെ.കെ.വേണുഗോപാല്‍ എന്നിവരുള്‍പ്പെടെയുള്ള നിയമ വിദഗ്ധരാണ് സര്‍ക്കാരിന് നിയമോപദേശം നല്‍കിയിരിക്കുന്നത്. ഒരു നിയമ ഭേദഗതി ഓര്‍ഡിനന്‍സ് ആയി വരുമ്പോള്‍ അതിന് അംഗീകാരം നല്‍കുക, നിയമസഭ പാസാക്കിയ ബില്ലായി മുന്നിലെത്തുമ്പോള്‍ തടഞ്ഞുവെക്കുകയും പിന്നീട് രാഷ്ട്രപതിക്ക് അയക്കുകയും ചെയ്യുക എന്ന ഗവര്‍ണരുടെ രീതി തെറ്റാണെന്നാണ് സര്‍ക്കാരിന് ലഭിച്ചിരിക്കുന്ന നിയമോപദേശം.
ബില്ലുകള്‍ പിടിച്ചവെക്കുക , അംഗീകാരം നിഷേധിക്കുക എന്ന ഗവര്‍ണരുടെ രീതി അംഗീകരിക്കില്ലെന്നാണ് സര്‍ക്കാര്‍ നിലപാട്. ഗവര്‍ണരുടെ ചെയ്തികള്‍ സുപ്രീം കോടതിയെ വീണ്ടും അറിയിക്കാനാണ് സര്‍ക്കാര്‍ തീരുമാനം. എന്നാല്‍ ലോകായുക്ത നിയമഭേദഗതി ഓര്‍ഡിനന്‍സ് ആയപ്പോള്‍ മുഖ്യമന്ത്രിക്കെതിരെയുള്ള പരാതികളുടെ അപലേറ്റ് അതോറിറ്റി ഗവര്‍ണരായിരുന്നു. ബില്ലായപ്പോള്‍ ഗവര്‍ണറെ ഒഴിവാക്കി ആ അധികാരം നിയമസഭയ്ക്കു നല്‍കി. ഇതാണ് അംഗീകാരം നിഷേധിക്കാന്‍ കാരണമെന്നാണ് രാജ്ഭവന്‍റെ വിശദീകരണം. മുഖ്യമന്ത്രി സഭാനേതാവായിരിക്കെ എങ്ങനെ മുഖ്യമന്ത്രിക്കെതിരെയുള്ള പരാതി നിയമസഭക്ക് പരിഗണിക്കാനാവും എന്നതാണ് ഗവര്‍ണര്‍ ഉയര്‍ത്തുന്ന ചോദ്യം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
