കേരളത്തിന്റെ സ്വന്തം വൈൻ ‘നിള’ അടുത്ത മാസം വിപണിയിലേക്ക്

തിരുവനന്തപുരം: കേരള കാർഷിക സർവകലാശാല പഴങ്ങളിൽ നിന്ന് ഉത്പാദിപ്പിച്ച സംസ്ഥാനത്തിന്റെ സ്വന്തം വൈൻ ബ്രാൻഡ് ‘നിള’ അടുത്ത മാസത്തോടെ വിപണിയിലെത്തും. ആദ്യഘട്ടത്തിൽ പുറത്തിറക്കുന്ന മൂന്ന് തരം വൈനുകൾക്ക് എക്‌സൈസ് വകുപ്പ് അംഗീകാരം നൽകി. പ്രീമിയം ഗുണനിലവാരത്തിലുള്ള വൈൻ കശുമാങ്ങ, പൈനാപ്പിൾ, വാഴപ്പഴം എന്നിവയിൽ നിന്നുള്ളതാണ്. കശുമാങ്ങ വൈനിൽ ആൽക്കഹോളിന്റെ അളവ് 14.5 ശതമാനമാണ്. പാളയം കോടൻ പഴത്തിൽ നിന്നാണ് ബനാന വൈൻ ഉണ്ടാക്കുന്നത്. മൗറീഷ്യസ് ഇനത്തിൽപ്പെട്ട പൈനാപ്പിളിൽ നിന്നാണ് പൈനാപ്പിൾ വൈൻ നിർമിക്കുന്നത്. ഇതിൽ രണ്ടിലും 12.5 ശതമാനമാണ് ആൽക്കഹോൾ. ആൽക്കഹോളിന്റെ അളവനുസരിച്ച് ബീവറേജസ് കോർപ്പറേഷൻ വഴി മാത്രമേ വൈൻ വിൽപന നടത്താൻ കഴിയുകയുള്ളു. ആദ്യഘട്ടത്തിൽ സംസ്ഥാനത്തെ തെരഞ്ഞെടുക്കപ്പെട്ട ബെവ്‌കോ ഔട്ട് ലെറ്റുകളിൽ വൈൻ ലഭ്യമാകും. 750 മില്ലി ലിറ്റർ കുപ്പിയുടെ വില ആയിരത്തിൽ താഴെയായിരിക്കും.

പ്രൊഡക്ഷൻ യൂണിറ്റ് ക്യാംപസിലാണ് സ്ഥിതി ചെയ്യുന്നത്. ഏഴ് തരം വൈനുകൾ ഇറക്കാനാണ് പദ്ധതിയെന്ന് വകുപ്പ് മേധാവി ഡോ. സജി ഗോമസ് പറഞ്ഞു. ചക്ക, തേങ്ങാവെള്ളം, ഞാവൽ, ജാതിക്ക തൊണ്ട് എന്നിവയാൽ നിർമിക്കുന്ന വൈൻ തുടർഘട്ടങ്ങളിൽ പുറത്തിറക്കുമെന്ന് അദ്ദേഹം പറഞ്ഞു. വാഴപ്പഴവും പൈനാപ്പിളും പ്രാദേശിക കർഷകരിൽ നിന്നും പാലക്കാട് മണ്ണാർക്കാടുള്ള പ്ലാന്റേഷൻ കോർപ്പറേഷന്റെ എസ്റ്റേറ്റിൽ നിന്നാണ് കശുമാങ്ങ വാങ്ങിയതെന്നും സജി ഗോമസ് പറഞ്ഞു.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/  mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033