തിരുവനന്തപുരം : സംസ്ഥാനത്ത് ജലദോഷപ്പനി പടരുന്ന സാഹചര്യത്തില് കോവിഡ് സമൂഹവ്യാപനസാധ്യത തള്ളിക്കളയാനാവില്ലെന്ന് സര്ക്കാര് ഡോക്ടര്മാരുടെ സംഘടനയായ കെ.ജി.എം.ഒ.എ.
സംസ്ഥാനത്ത് ജലദോഷപ്പനി വര്ധിക്കുന്നത് സൂചനയായി കാണണം. ഇക്കാര്യത്തില് ശാസ്ത്രീയ പരിശോധന വേണമെന്ന് അസോസിയേഷന് ആവശ്യപ്പെട്ടു. മദ്യാസക്തിയുള്ളവര്ക്ക് മദ്യം നല്കാനുള്ള തീരുമാനം അധാര്മികമാണെന്നും അത് ഉടന് പിന്വലിക്കണമെന്നും കെ.ജി.എം.ഒ.എ ആവശ്യപ്പെട്ടു. മദ്യാസക്തിക്ക് മരുന്ന് മദ്യമല്ലെന്നും അവര് പറഞ്ഞു.