പുതിയ പദ്ധതികള്‍ക്ക് അനുമതി നല്‍കി കിഫ്ബി

കിഫ്ബി വഴി 5,681 കോടിരൂപയുടെ പുതിയ പദ്ധതികള്‍ക്ക് സംസ്ഥാന സർക്കാർ അനുമതി നൽകി. മുഖ്യമന്ത്രിയുടെ അധ്യക്ഷതയില്‍ ചേര്‍ന്ന നാല്‍പത്തിയഞ്ചാം ബോര്‍ഡ് യോഗത്തിലാണ് പുതിയ 64 പദ്ധതികള്‍ക്കുള്ള അംഗീകാരം ലഭിച്ചത്. കരാറുകാര്‍ ഉന്നയിച്ച സാമ്പത്തിക പ്രശ്നങ്ങളില്‍ സാങ്കേതികമായ ചില തടസങ്ങള്‍ മാത്രമാണ് നിലനില്‍ക്കുന്നതെന്ന് ധനമന്ത്രി കെ എൻ ബാലഗോപാൽ പറഞ്ഞു. പൊതുമരാമത്ത് വകുപ്പിന്റെ റോഡുവികസന പദ്ധതികൾക്ക് 3414.16 കോടി, ആരോഗ്യ വകുപ്പിന് 8 പദ്ധതികൾക്കായി 605.49 കോടി, ഉന്നത വിദ്യാഭ്യാസ വകുപ്പിന് 9 പദ്ധതികൾക്കായി 600.48 കോടി, ജലവിഭവ വകുപ്പിന് 3 പദ്ധതികൾക്ക് 467 .32 കോടി, തദ്ദേശ സ്വയംഭരണ വകുപ്പിന് 42.02 കോടി രൂപ ഇങ്ങനെ തുടങ്ങി വിവിധ പദ്ധതികള്‍ക്കാണ് കിഫ്ബി വഴി സര്‍ക്കാര്‍ അയ്യായിരം കോടിയിലേറെ രൂപയുടെ അനുമതി നല്‍കിയത്.

ഇതുവരെ 80,352.04 കോടി രൂപയുടെ 1057 പദ്ധതികൾക്ക് കിഫ്ബി അംഗീകാരം നൽകിയിട്ടുണ്ടെന്ന് മന്ത്രി കെ.എന്‍. ബാലഗോപാല്‍ പറഞ്ഞു. 2023 – 2024 സാമ്പത്തിക വർഷം 9,000 കോടി രൂപ കിഫ്ബിക്ക് വായ്പയിനത്തിൽ ധനവിപണിയിൽ നിന്ന് കണ്ടെത്തേണ്ടി വരും. ഇക്കാര്യത്തില്‍ കേന്ദ്ര സർക്കാർ അനുവാദം നൽകുമെന്നാണ് പ്രതീക്ഷയെന്ന് മന്ത്രി പറഞ്ഞു.കിഫ്ബി കാരണം സർക്കാരിന് കടബാധ്യത ഉണ്ടാകുമെന്ന് പറയുന്നത് കിഫ്ബിയെ കുറിച്ച് അറിയാത്തവരാണെന്ന് സി.ഇ.ഒ കെ എബ്രഹാം വ്യക്തമാക്കി. സംസ്ഥാനത്തിന്റെ മുഖച്ഛായ മാറ്റാനുള്ള നീക്കത്തിനാണ് കിഫ്ബി വഴി തുറക്കുന്നതെന്ന് ധനമന്ത്രി ആവര്‍ത്തിച്ചു.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]

———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 94473 66263 /0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033