കൊച്ചി : നഗരത്തിലെ രണ്ടുവീട്ടില്‍നിന്നായി 115 ലക്ഷം രൂപയുടെ സ്വര്‍ണ, വജ്രാഭരണങ്ങള്‍ മോഷ്ടിച്ചത് സ്ത്രീകള്‍ ഉള്‍പ്പെട്ട സംഘം. ഇവരുടെ സി.സി ടി.വി ദൃശ്യങ്ങള്‍ പോലീസിന് ലഭിച്ചു. കൈക്കുഞ്ഞുമായാണ് മൂന്നുപേരടങ്ങുന്ന സംഘം മോഷണത്തിന് എത്തിയത്. ഏപ്രില്‍ ഒന്നിന് നഗരത്തിലെ തിയറ്ററിനു സമീപത്തെ വ്യവസായിയുടെ വീട്ടിലാണ് ഇവര്‍ ആദ്യം മോഷണം നടത്തിയത്. 90 ലക്ഷം രൂപയുടെ ആഭരണങ്ങള്‍ മോഷ്ടിച്ചു. ദിവസങ്ങള്‍ക്കുള്ളിലാണ് നഗരത്തിലെ സ്വകാര്യ ആശുപത്രിക്ക് സമീപത്തെ വീട്ടിലും മോഷണം നടന്നത്. 20 പവനും 3.2 ലക്ഷം രൂപയും ഡോളറുമാണ് അപഹരിച്ചത്.
