കോന്നി : നിയന്ത്രണം വിട്ട ബൈക്ക് ഇലക്ട്രിക് പോസ്റ്റിലിടിച്ച് യുവാവിന് കാലിൽ ഗുരുതരമായ പരുക്കേറ്റു. ചിറ്റാർ വില്ലൂന്നിപ്പാറ അജീഷ് ഭവനം അനീഷ് (35)നാണ് പരുക്കേറ്റത്. കോന്നി ഭാഗത്തേക്ക് വന്ന ഇയാൾ സഞ്ചരിച്ചിരുന്ന ബൈക്ക് നിയന്ത്രണം വിട്ട് ഇലക്ട്രിക് പോസ്റ്റിലിടിച്ച് മറിയുകയായിരുന്നു. പരുക്കേറ്റ യുവാവിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
