തിരുവനന്തപുരം : വൈദ്യുതി ഭവന്‍ വളയല്‍ സമരത്തിന് അനുമതി നിഷേധിച്ച് കെഎസ്ഇബി ചെയര്‍മാന്‍. നാളത്തെ സമരത്തില്‍ പങ്കെടുക്കുന്നവര്‍ക്കെതിരെ അച്ചടക്ക നടപടിയെടുക്കുമെന്ന് ചെയര്‍മാന്‍ അറിയിച്ചു. എന്നാല്‍ സ്ഥലം മാറ്റം പിന്‍വലിക്കുന്നത് തെറ്റായ കീഴ്‌വഴക്കമാകുമെന്നും സംഘടനാ നേതാക്കള്‍ക്കെതിരായ അച്ചടക്ക നടപടി പിന്‍വലിക്കാന്‍ കഴിയില്ലെന്നും ചെയര്‍മാന്‍ അറിയിച്ചു.
സസ്‌പെന്‍ഷന്‍ പിന്‍വലിച്ചുവെങ്കിലും സ്ഥലം മാറ്റം പിന്‍വലിക്കാത്ത ബോര്‍ഡ് നടപടിക്കെതിരെയാണ് കെഎസ്‌ഇബിയിലെ സിപിഎം അനുകൂല സംഘടനയായ ഓഫീസേഴ്‌സ് അസോസിയേഷന്‍ സമരം നടത്തിവരുന്നത്.
