കോഴിക്കോട് : ഹൃദ്രോഗ ചികിത്സ കഴിഞ്ഞെത്തിയ ദമ്പതികളെ ഇറങ്ങേണ്ട സ്റ്റോപ്പിൽനിന്ന് മൂന്നു കിലോമീറ്റർ അകലെ ഇറക്കിവിട്ടെന്ന പരാതിയില്‍ കെ എസ് ആർ ടി സി ഡ്രൈവർക്കെതിരെ താമരശേരി പോലീസ് അന്വേഷണം തുടങ്ങി. താമരശേരി പരപ്പൻപൊയിൽ സ്വദേശികളായ ലത്തീഫിനും ഭാര്യ ലൈലക്കുമാണ് ദുരനുഭവമുണ്ടായത്. വെല്ലൂർ മെഡിക്കൽ കോളേജ് ആശുപത്രിയിൽ നിന്ന് ഹൃദ്രോഗ ചികിത്സ കഴിഞ്ഞെത്തിയ പരപ്പൻപൊയിൽ സ്വദേശികളായ ലത്തീഫിനും ഭാര്യ ലൈലയും പുലർച്ചെ 3.20നാണ് കോഴിക്കോട്ടുനിന്ന് സുൽത്താൻ ബത്തേരിയിലേക്കുളള കെഎസ്ആർടിസി സൂപ്പർഫാസ്റ്റ് ബസ്സിൽ കയറിയത്.
ടിക്കറ്റെടുത്തത് പരപ്പൻപൊയിലേക്ക്. ഇറങ്ങാനുളള സ്ഥലമെത്തുംമുമ്പേ കണ്ടക്ടറോട് ഓർമ്മപ്പെടുത്തുകയും കണ്ടക്ടര്‍ പലവട്ടം ബെല്ലടിക്കുകയും ചെയ്തിട്ടും ബസ് നിർത്താൻ ഡ്രൈവര്‍ തയ്യാറായില്ല. മാത്രമല്ല, ഡ്രൈവർ അവഹേളിച്ച് സംസാരിക്കുകയും ചെയ്തെന്നും ലൈല താമരശേരി പൊലീസില്‍ നല്‍കിയ പരാതിയില്‍ പറയുന്നു. മൂന്നുകിലോമീറ്റർ അകലെ, താമരശ്ശേരി പഴയ സ്റ്റാൻഡിൽ ഇവരെ ഇറക്കിവിട്ടത്. രാത്രികാലങ്ങളിൽ യാത്രക്കാർ ആവശ്യപ്പെടുന്ന സ്ഥലങ്ങളിൽ ബസ് നിർത്തിക്കൊടുക്കണമെന്ന നിര്‍ദ്ദേശം നിലനിൽക്കെയാണ് ഈ സംഭവം. സംഭവത്തില്‍ കെഎസ്ആര്‍ടിസിയും പ്രാഥമിക പരിശോധന തുടങ്ങി.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
