തിരുവനന്തപുരം: കെഎസ്ആർടിസി 60-ാം പിറന്നാൾ പിന്നിടുമ്പോൾ 158.12 കോടി രൂപയുടെ ആനുകൂല്യം ലഭിക്കാതെ വിരമിച്ച ജീവനക്കാർ ഒന്നരവർഷമായി ദുരിതത്തിൽ. 2023 ജൂണിനുശേഷം വിരമിച്ചവർക്ക് ആനൂകൂല്യമൊന്നും നൽകിയിട്ടില്ല. 2024ൽ വിരമിച്ചവർ 2027 മാർച്ചുവരെ രണ്ടുവർഷംകൂടി കാത്തിരിക്കേണ്ടിവരുമെന്നാണ് കോർപ്പറേഷന്റെ മറുപടി. പെൻഷൻവിഹിതമായി 1057 ജീവനക്കാർക്ക് 82.3 കോടി രൂപയും പ്രോവിഡന്റ് ഫണ്ടിൽ നിന്ന് 1166 പേർക്ക് 43.31 കോടി രൂപയും ലീവ് സറണ്ടർ ഇനത്തിൽ 1877 പേർക്ക് 32.51 കോടി രൂപയും നൽകാനുണ്ട്. 19 പേർ ആനൂകൂല്യം കിട്ടാതെ ഇതിനകം മരിച്ചു.
വിരമിക്കൽ ആനുകൂല്യം നൽകാൻ ഹൈക്കോടതി നിർദേശപ്രകാരം ദിവസവരുമാനത്തിൽനിന്ന് 10 ശതമാനം വീതം മാറ്റിവെച്ച് തുടങ്ങിയ പ്രത്യേകനിധി കാലിയാണ്. വർഷം 1200 പേരോളം പിരിയുന്നുണ്ട്. 2016 ൽ 32,000 സ്ഥിരജീവനക്കാരും 8000 താത്കാലിക ജീവനക്കാരും ഉണ്ടായിരുന്ന സ്ഥാപനത്തിൽ ഇപ്പോൾ 23,600 സ്ഥിരജീവനക്കാരാണുള്ളത്. 5247 ദിവസക്കൂലിക്കാരെക്കൂടി ഉപയോഗിച്ചാണ് ബസുകൾ ഓടിക്കുന്നത്. അതേസമയം, 42,280 പെൻഷൻകാരുണ്ട്.ഗതാഗതവകുപ്പിന്റെ ഭാഗമായിരുന്ന ബസ് സർവീസിനെ 1965 ഏപ്രിൽ ഒന്നിനാണ് പൊതുമേഖലാ സ്ഥാപനമാക്കി മാറ്റിയത്. പെൻഷനും ശമ്പളത്തിനുമായി മാസം 130 കോടി രൂപ സർക്കാർ നൽകുന്നുണ്ട്.
ആദ്യരൂപം രാജഭരണകാലത്ത്
തിരുവിതാംകൂർ രാജഭരണകാലത്താണ് ബസ് സർവീസ് ആരംഭിച്ചത്. ലണ്ടൻ പാസഞ്ചർ ട്രാൻസ്പോർട്ട് ബോർഡിന്റെ അസിസ്റ്റന്റ് ഓപ്പറേറ്റിങ് സൂപ്രണ്ട് ഇ.ജി സാൾട്ടറായിരുന്നു ശില്പി. 1938 ഫെബ്രുവരി 20-ന് കെഎസ്ആർടിസിയുടെ ആദിമരൂപമായ ട്രാൻസ്പോർട്ട് വകുപ്പുണ്ടാക്കി. 33 ബസുകളുമായിട്ടായിരുന്നു തുടക്കം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
