തിരുവനന്തപുരം: വിവാദ സിനിമ കേരള സ്റ്റോറിക്കെതിരെ കെ.എസ്.യു മുഖ്യമന്ത്രി പിണറായി വിജയന് പരാതി നല്കി. കെ.എസ്.യു സംസ്ഥാന ജനറല് സെക്രട്ടറി ആദേഷ് സുധര്മ്മനാണ് മുഖ്യമന്ത്രിക്ക് പരാതി നല്കിയത്. കേരളവുമായി ഒരു ബന്ധവുമില്ലാത്ത കഥകള് വ്യാജമായി നിര്മ്മിച്ചു സംസ്ഥാനത്തെ അപകീര്ത്തിപ്പെടുത്തുന്നതിന് വേണ്ടി സംഘപരിവാര് അജണ്ടയുടെ ഭാഗമായിട്ടുള്ള ശ്രമമാണ് ഈ ചലച്ചിത്രത്തിലൂടെ നടത്തുന്നതെന്ന് കെ.എസ്.യു ആരോപിക്കുന്നു.
അതേസമയം കേരള സ്റ്റോറിക്കെതിരായ ഹര്ജിയില് ഇടപെടാന് വിസമ്മതിച്ച് വീണ്ടും സുപ്രീംകോടതി. വിഷയം ഹൈക്കോടതിക്ക് വിട്ടെന്ന് കോടതി അറിയിച്ചു. സിനിമയ്ക്ക് നിലവാരമുണ്ടോയെന്ന് പ്രേക്ഷകര് തീരുമാനിക്കുമെന്നും ചീഫ് ജസ്റ്റിസ് പറഞ്ഞു. സുപ്രീംകോടതി നിര്ദ്ദേശം കേരള ഹൈക്കോടതി പാലിച്ചില്ലെന്നാണ് ഹര്ജിക്കാരന്റെ വാദം.