കോട്ടയം: കുട്ടനാട് സീറ്റ് കോണ്‍ഗ്രസ് ഏറ്റെടുക്കില്ലെന്ന് ഉമ്മന്‍ ചാണ്ടി. ഇന്ന് കേരളാ കോണ്‍ഗ്രസിലുണ്ടായ പ്രത്യേക സാഹചര്യത്തില്‍ യോജിച്ചൊരു സ്ഥാനാര്‍ത്ഥി വേണമെന്നാണ് എല്ലാവരുടെയും ആഗ്രഹം. കേരളാ കോണ്‍ഗ്രസിലെ ഇരുവിഭാഗത്തിനും യോജിച്ച സ്ഥാനാര്‍ത്ഥിയെ പ്രഖ്യാപിക്കണമെന്നും ഇരു വിഭാഗത്തോടും ഇക്കാര്യം ആവശ്യപ്പെട്ടിട്ടുണ്ടെന്നും ഉമ്മന്‍ ചാണ്ടി പറഞ്ഞു. ചര്‍ച്ചയിലൂടെ പ്രശ്‌നം പരിഹരിക്കാന്‍ സാധിക്കുമെന്നും ഉമ്മന്‍ ചാണ്ടി പറഞ്ഞു. കുട്ടനാട് സീറ്റ് കേരളാ കോണ്‍ഗ്രസിന്റെതാണ്. കേരളാ കോണ്‍ഗ്രസിന് അവകാശപ്പെട്ടതാണ്. അവരുമായി ചര്‍ച്ച ചെയ്യുമെന്നും അദ്ദേഹം പറഞ്ഞു.
