കൊല്ലം : കൊല്ലം അഞ്ചലിൽ പന്നിപ്പടക്കം വെച്ച് കൊലപ്പെടുത്തിയ കാട്ടുപന്നിയെ കാറിൽ കടത്തിക്കൊണ്ടുപോകവേ അഭിഭാഷകൻ വനപാലകരുടെ പിടിയിലായി. ഭാരതിപുരം അജീഷ് ഭവനിൽ അജിലാൽ (42) ആണ് അറസ്റ്റിലായത്. പുനലൂർ ബാറിലെ അഭിഭാഷകനാണ് അജിലാൽ. അഞ്ചൽ വനപാലകർക്ക് ലഭിച്ച രഹസ്യവിവരത്തെ തുടർന്ന് ചൊവ്വാഴ്ച രാത്രി ഒമ്പതോടെ അഞ്ചൽ കുളത്തൂപ്പുഴ റോഡിൽ മറവൻചിറ കമ്പകപ്പണയിൽ വനപാലകർ നടത്തിയ വാഹനപരിശോധനയിൽ കാറിൻറെ ഡിക്കിയിൽ തലതകർന്ന നിലയിൽ കാട്ടുപന്നിയുടെ ജഡം കണ്ടെത്തി. തുടർന്ന് അജിലാലിനെയും കാറും വനപാലകർ കസ്റ്റഡിയിലെടുത്തു. ഏഴംകുളം ഭാഗത്തെ വനമേഖലയിൽ പന്നിപ്പടക്കം ഉപയോഗിച്ചാണ് കാട്ടുപന്നിയെ കൊന്നതെന്ന് ചോദ്യം ചെയ്യലിൽ അജിലാൽ വെളിപ്പെടുത്തിയെന്ന് വനപാലകർ പറഞ്ഞു. സംഭവത്തിൽ കൂട്ടുപ്രതികളുണ്ടോയെന്ന് അന്വേഷിച്ചുവരുകയാണ്. ചത്ത പന്നിക്ക് നൂറ് കിലോയോളം തൂക്കമുണ്ട്. അഞ്ചൽ റേഞ്ച് ഫോറസ്റ്റ് ഓഫീസർ അജികുമാറിൻറെ നേതൃത്വത്തിലുള്ള വനപാലകസംഘമാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
