പത്തനംതിട്ട : ജില്ലയിൽ ഉടനീളം ഡിവൈഎഫ്‌ഐ, എസ്എഫ്‌ഐ പ്രവർത്തകർ നടത്തിയ അക്രമത്തിൽ പ്രതിഷേധിച്ച് വൈകീട്ട് പത്തനംതിട്ട നഗരത്തിൽ കോൺഗ്രസ് നടത്തിയ പ്രകടനം നടത്തിയ നേതാക്കളെ അറസ്റ്റ് ചെയ്ത നടപടി പ്രതിഷേധാർഹമെന്ന് കോൺഗ്രസ്. കരുതൽ നടപടി എന്ന നിലയിൽ കോൺഗ്രസ് യൂത്ത് കോൺഗ്രസ് നേതാക്കളായ അനീഷ് വരിക്കണ്ണാമല, അഡ്വ. എ.സുരേഷ് കുമാർ, നഹാസ് പത്തനംതിട്ട, അൻസർ മുഹമ്മദ്, അഫ്‌സൽ.വി.ഷേക്ക് എന്നിവരെയാണ് അറസ്റ്റ് ചെയ്ത് പോലീസ് ക്യാമ്പിലേക്ക് മാറ്റിയത്.
ആന്റോ ആന്റണി എംപി, കെപിസിസി ജനറൽ സെക്രട്ടറി എം.എം.നസീർ, ഡിസിസി പ്രസിഡന്റ് പ്രൊഫ. സതീഷ് കൊച്ചുപറമ്പിൽ, മുൻ പ്രസിഡന്റ് പി.മോഹൻരാജ്, ജനറൽ സെക്രട്ടറി സാമുവൽ കിഴക്കുപുറം എന്നിവർ ക്യാമ്പിലെത്തി നേതാക്കളെ സന്ദർശിച്ചു. ജില്ലയിലൊട്ടാകെ സിപിഎം, ഡിവൈഎഫ്‌ഐ, എസ്എഫ്‌ഐ പ്രവർത്തകർ അക്രമം അയിച്ചുവിടുകയാണെന്നും പോലീസ് നീതിപൂർവ്വം പ്രവർത്തിക്കണമെന്നും അവർ ആവശ്യപ്പെട്ടു.
