നാരങ്ങാനം : നാരങ്ങാനം വില്ലേജിലെ വലിയകുളത്ത് ബ്ലോക്ക് നമ്പർ 15 ഡേറ്റബാങ്കിൽ ഉൾപ്പെട്ട 17.70 ആർ സ്ഥലത്താണ് വീണ്ടും നികത്തൽ. ജില്ലാ ഭരണകൂടം രണ്ടുവർഷംമുമ്പ് അനധികൃത നികത്തൽ തടഞ്ഞ സ്ഥലമാണിത്. വർഷത്തിൽ രണ്ട് തവണ നെൽക്കൃഷി നടന്നിരുന്ന സ്ഥലമായിരുന്നു ഇതെന്നും നാരങ്ങാനം പാടശേഖരത്തേക്ക് വെള്ളം എത്തിക്കുന്നതിന്റെ പ്രധാന ജലസ്രോതസ്സായിരുന്നു ഈ സ്ഥലമെന്നും ഇത് നികത്തിയതോടെ വലിയകുളത്ത് ജലക്ഷാമം ആരംഭിച്ചതായും നാട്ടുകാർ ആരോപിക്കുന്നു. 2008-ലെ നെൽവയൽ തണ്ണീർത്തടം നിയമത്തിന് വിരുദ്ധമായി വയൽ രൂപമാറ്റം വരുത്തിയതായി അടൂർ ആർഡിഒ നടത്തിയ അന്വേഷണത്തിൽ നൽകിയ റിപ്പോർട്ടിനെ തുടർന്നാണ്‌ അന്ന് ജില്ലാ കളക്ടറായിരുന്ന ദിവ്യാ എസ്. അയ്യർ മണ്ണ് എടുത്തുമാറ്റി വയൽ പൂർവസ്ഥിതിയിലാക്കാൻ ഉത്തരവിട്ടത്. മണ്ണുനീക്കിയില്ലെങ്കിലും കുറെനാൾ നിർത്തിവെച്ച നികത്തൽ രാത്രികാലങ്ങളിൽ നടക്കുന്നുണ്ടെന്ന് നാട്ടുകാർ ആരോപിക്കുന്നു. നികത്തൽ അറിയുമ്പോൾ നാട്ടുകാർ വില്ലേജ് ഓഫീസറോട് പരാതി പറയും. വില്ലേജ് ഓഫീസർ എത്തി നിർത്തിവെയ്ക്കാൻ ഉത്തരവ് നൽകും. ഉത്തരവ് നൽകിയെങ്കിലും നികത്തൽ തുടരുന്നതായും ജില്ലാ ഭരണകൂടം ശക്തമായ നടപടി സ്വീകരിക്കണമെന്നും നാട്ടുകാർ ആവശ്യപ്പെട്ടു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
