ഹൂസ്റ്റൺ : മലയാളി ഡോക്ടർ അമേരിക്കയിലെ ഹൂസ്റ്റണിൽ വാഹനാപകടത്തില്‍ മരിച്ചു. രാമമംഗലം കിഴുമുറി കുന്നത്ത് ഡോ. മിനി വെട്ടിക്കൽ (52) ആണ് മരിച്ചത്. കുന്നത്ത് കെ വി പൗലോസിന്‍റെയും പരേതയായ ഏലിയാമ്മയുടെയും മകളാണ്. ഏറെക്കാലമായി കുടുംബത്തോടൊപ്പം ഹൂസ്റ്റണിലാണ് മിനി വെട്ടിക്കൽ കഴിയുന്നത്. ഡോക്ടര്‍ ഓടിച്ചിരുന്ന കാറില്‍ ബൈക്കിടിച്ചാണ് അപകടം ഉണ്ടായത്. വൈകിട്ട് നാല് മണിയോടെ സ്‌കോട്ട് സ്ട്രീറ്റിലാണ് സംഭവം. സ്ഥലത്ത് വെച്ച് തന്നെ ഡോക്ടർ മരിച്ചു. ബൈക്കോടിച്ചിരുന്ന യുവാവിനും അപകടത്തിൽ ജീവൻ നഷ്ടമായി. 25 കാരനായ ബൈക്ക് യാത്രികൻ ആശുപത്രിയിലാണ് മരിച്ചത്. ബൈക്ക് കാറിലേക്ക് ഇടിച്ചുകയറുകയായിരുന്നു.
ഫിസിഷ്യന്‍ എന്നതിന് പുറമെ നര്‍ത്തകി, മോഡല്‍, വ്‌ലോഗര്‍ തുടങ്ങി വിവിധ മേഖലകളിൽ വ്യക്തിമുദ്ര പതിപ്പിച്ച വ്യക്തിയാണ് മിനി വെട്ടിക്കൽ. മൃതദേഹം ഞായർ 2 മുതൽ 5 വരെ ജസെക് ചാപ്പലിലും ബറിങ് ഡ്രൈവ് ജിയോ ലൂയിസ് ആൻഡ് സൺസ് ഗ്രാൻഡ് ഫൊയറിലുമായി പൊതുദർശനത്തിന് വെയ്ക്കും. ഈരാറ്റുപേട്ട അരുവിത്തുറ വെട്ടിക്കല്‍ കുടുംബാംഗം സെലസ്റ്റിന്‍ (ഐ.ടി. എന്‍ജിനീയര്‍) ആണ് ഭര്‍ത്താവ്. മക്കള്‍: പൂജ, ഇഷ, ദിയ, ഡിലന്‍, ഏയ്ഡന്‍. സംസ്‌കാരം തിങ്കളാഴ്ച ഒരു മണിയ്ക്ക് ഹൂസ്റ്റണിലെ സെയ്ന്റ് ആന്‍ കത്തോലിക്ക പള്ളി സെമിത്തേരിയില്‍.
MBA, BBA ഫ്രെഷേഴ്സിന് മാധ്യമ രംഗത്ത് അവസരം
Eastindia Broadcasting Pvt. Ltd. ന്റെ ഓണ്‍ ലൈന്‍ ചാനലുകളായ PATHANAMTHITTA MEDIA (www.pathanamthittamedia.com), NEWS KERALA 24 (www.newskerala24.com) എന്നിവയുടെ മാര്‍ക്കറ്റിംഗ് വിഭാഗത്തിലേക്ക് യുവതീയുവാക്കളെ ആവശ്യമുണ്ട്. MBA, BBA ഫ്രെഷേഴ്സിനും പത്ര ദൃശ്യ മാധ്യമങ്ങളുടെ പരസ്യ വിഭാഗത്തില്‍ പരിചയമുള്ളവര്‍ക്കും അപേക്ഷിക്കാം. അപേക്ഷകള്‍ [email protected] ലേക്ക് അയക്കുക. പാസ്പോര്‍ട്ട്‌ സൈസ് ഫോട്ടോ ഉള്ളടക്കം ചെയ്തിരിക്കണം. പത്തനംതിട്ട ഓഫീസ് കേന്ദ്രീകരിച്ചായിരിക്കും ജോലി. നിലവിലുള്ള ഒഴിവുകള്‍ – 06. കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
