കൊച്ചി: മംഗള എക്സ് പ്രസ്സ് ട്രെയിനിലെ പാലക്കാട് ജില്ലക്കാരായ 2 എസി മെക്കാനിക്കുകള്‍ക്ക് കോവിഡ് സ്ഥിരീകരിച്ചു. 18നു നിസാമുദ്ദീനില്‍ നിന്നെത്തിയ ട്രെയിനിലെ ജീവനക്കാരാണിത്. ഇവര്‍ ട്രെയിനില്‍ ജോലി ചെയ്ത ദിവസങ്ങളില്‍ എസി കോച്ചുകളിലുണ്ടായിരുന്ന യാത്രക്കാരെ കണ്ടെത്തി ക്വാറന്റീന്‍ ചെയ്യേണ്ടി വരും. ലോക്ഡൗണ്‍ ഇളവുകള്‍ പ്രകാരം മംഗള എക്സ് പ്രസ്സ് സര്‍വീസ് ആരംഭിച്ചപ്പോള്‍ രണ്ടു ട്രിപ്പുകളില്‍ ഇവര്‍ രണ്ടു പേരും ജോലി ചെയ്തിട്ടുണ്ട്. രണ്ടാമത്തെ ട്രിപ്പിനു ശേഷം തിരികെ എത്തിയപ്പോഴാണു രോഗം സ്ഥിരീകരിച്ചത്.
