രാജ്‌പൂര്‍: മാവോയിസ്റ്റുകള്‍ തട്ടിക്കൊണ്ടുപോയ പോലീസ് ഉദ്യോഗസ്ഥനെ മൂന്ന് ദിവസത്തിന് ശേഷം മരിച്ച നിലയില്‍ കണ്ടെത്തി. ഛത്തീസ്‌ഗഡിലെ ബിജാപൂരില്‍ നിന്നും മുരളി താതിയെന്ന പോലീസ് ഉദ്യോഗസ്ഥനെയാണ് മാവോയിസ്റ്റുകള്‍ തട്ടിക്കൊണ്ട് പോയത്.
ബിജാപൂരിന് സമീപം ഗംഗലൂരില്‍ മൃതദേഹം ഉപേക്ഷിക്കപ്പെട്ട നിലയില്‍ കണ്ടെത്തുകയായിരുന്നു. മൃതദേഹത്തിനൊപ്പം ഒരു സന്ദേശവും ഉണ്ടായിരുന്നതായി പോലീസ് അറിയിച്ചു. ജനകീയ കോടതിയുടെ തീരുമാന പ്രകാരം കൊന്നുവെന്ന സന്ദേശമാണ് ഉണ്ടായിരുന്നത്. ഈ മാസം മാത്രം 22ഓളം പോലീസ് ഉദ്യോഗസ്ഥരാണ് മാവോയിസ്റ്റ് ആക്രമണത്തില്‍ കൊല്ലപ്പെട്ടത്.
