ഇന്ത്യൻ കാർ വിപണിയിൽ കടുത്ത മത്സരം നടക്കുകയും പുതിയ നിരവധി വാഹനങ്ങൾ അവതരിപ്പിക്കുകയും ചെയ്യുന്നുണ്ട്. എങ്കിലും വിൽപ്പനയുടെ കണക്കുകൾ നോക്കുമ്പോൾ മാരുതി സുസുക്കി തന്നെയാണ് മുന്നിൽ. ജൂൺ മാസത്തിലും മാരുതി സുസുക്കി എതിരാളികളെക്കാൾ വളരെ മുന്നിലാണ്. രണ്ടാം സ്ഥാനത്ത് ഹ്യുണ്ടായ് ആണുള്ളത്. ടാറ്റ മൂന്നാമതാണ്. ജൂൺ മാസത്തിൽ ഏറ്റവും കൂടുതൽ വാഹനങ്ങൾ വിൽപ്പന നടത്തിയ അഞ്ച് ബ്രാന്റുകൾ നോക്കാം. ഇതിൽ ടൊയോട്ട, മഹീന്ദ്ര എന്നീ ബ്രാന്റുകളും ഉൾപ്പെടുന്നു.
2023 ജൂൺ മാസം ഹ്യുണ്ടായ് മോട്ടോർ ഇന്ത്യ ലിമിറ്റഡ് 50,001 യൂണിറ്റ് കാറുകളാണ് ഇന്ത്യയിൽ വിൽപ്പന നടത്തിയത്. മാരുതി സുസുക്കിയെക്കാൾ വളരെ പിന്നിലാണ് എങ്കിലും വാർഷിക അടിസ്ഥാനത്തിലുള്ള വിൽപ്പന കണക്കുകളിൽ 2 ശതമാനത്തിലധികം വർധനവ് ഉണ്ടായിട്ടുണ്ട്. 15.2 ശതമാനം വിപണി വിഹിതമാണ് ഹ്യുണ്ടായ് നേടിയത്. പുതിയ ഹ്യുണ്ടായ് എക്സ്റ്ററിന്റെ വിൽപ്പന വൈകാതെ ആരംഭിക്കുമെന്നതിനാൽ വരും മാസങ്ങളിൽ ഹ്യുണ്ടായ് കാറുകളുടെ വിൽപ്പനയിലും വലിയ വർധനവ് ഉണ്ടാകുമെന്ന് പ്രതീക്ഷിക്കുന്നു.
സുരക്ഷയുടെ കാര്യത്തിൽ മറ്റ് ബ്രാന്റുകളെക്കാൾ വളരെ മുന്നിലുള്ള ടാറ്റ മോട്ടോഴ്സ് വിൽപ്പനയിൽ മൂന്നാം സ്ഥാനത്താണ് ഹ്യുണ്ടായിയെ മറികടക്കാൻ കുറച്ച് യൂണിറ്റുകൾ മാത്രം മതിയെന്ന നിലയിലാണ് എങ്കിലും കമ്പനിക്ക് രണ്ടാം സ്ഥാനം നേടാൻ സാധിച്ചിട്ടില്ല. 2023 ജൂണിൽ ടാറ്റ മോട്ടോഴ്സ് 47,235 യൂണിറ്റ് കാറുകളാണ് വിൽപ്പന നടത്തിയത്. ഈ ശക്തമായ വിൽപ്പനയുടെ ഭാഗമായി 4.5 ശതമാനത്തിലധികം വളർച്ചയാണ് കമ്പനിക്ക് നേടാനായത്.
മഹീന്ദ്ര
ഇന്ത്യൻ ഓട്ടോമോട്ടീവ് വിപണിയിൽ എസ്യുവി സ്പെഷ്യലിസ്റ്റ് എന്ന് വിളിക്കാവുന്ന ബ്രാന്റാണ് മഹീന്ദ്ര. ജൂൺ മാസത്തിലും ശക്തവും സ്ഥിരതയുള്ളതുമായ വിൽപ്പനയാണ് മഹീന്ദ്ര നടത്തിയിരിക്കുന്നത്. മഹീന്ദ്ര ജൂൺ മാസത്തിൽ 32,588 യൂണിറ്റ് കാറുകളാണ് വിൽപ്പന നടത്തിയിരിക്കുന്നത്. ഇതിന്റെ ഭാഗമായി 21.2 ശതമാനത്തിലധികം വാർഷിക വളർച്ചയും വിൽപ്പനയിൽ ഉണ്ടായിട്ടുണ്ട്. മഹീന്ദ്ര വാഹനങ്ങൾക്ക് വലിയ ബുക്കിങ് ഉണ്ട്. ഉത്പാദനം വർധിപ്പിച്ച് വിൽപ്പന ഉയർത്താനാണ് കമ്പനി ഇപ്പോൾ ശ്രമിക്കുന്നത്.
ടൊയോട്ട
2023 ജൂണിൽ 19,608 യൂണിറ്റ് കാറുകൾ വിൽപ്പന നടത്തികൊണ്ട് ടൊയോട്ട ഏറ്റവും കൂടുതൽ വിൽപ്പന നേടിയ ബ്രാന്റുകളുടെ പട്ടികയിൽ അഞ്ചാം സ്ഥാനം നേടിയെടുത്തു. ജാപ്പനീസ് വാഹന നിർമ്മാതാവിന്റെ മൊത്തം കാർ വിൽപ്പന ഏകദേശം 6 ശതമാനം ഉയർന്നിട്ടുണ്ട്. ഹൈബ്രിഡ് വാഹനങ്ങൾ വാങ്ങാൻ ആഗ്രഹിക്കുന്ന ആളുകൾക്ക് ഇന്ത്യയിൽ തിരഞ്ഞെടുക്കാവുന്ന ഏറ്റവും മികച്ച ബ്രാന്റുകളിൽ ഒന്നാണ് ടൊയോട്ട എന്നതാണ് വിൽപ്പനയിൽ വർധനവ് ഉണ്ടാകാനുള്ള പ്രധാന കാരണം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
