സോഫ്റ്റ്ബാങ്കിന്റെ പിന്തുണയുള്ള ഇന്ത്യൻ ഇ-കൊമേഴ്‌സ് പ്ലാറ്റ്ഫോമായ മീഷോ കഴിഞ്ഞ ആറ് മാസത്തിനുള്ളിൽ ഏകദേശം 42 ലക്ഷം വ്യാജ ഉൽപ്പന്നങ്ങൾ പ്ലാറ്റ്‌ഫോമിൽ നിന്ന് നീക്കം ചെയ്തതായി അറിയിച്ചു. 12,000 അക്കൗണ്ടുകൾ ബ്ലോക്ക് ചെയ്തു. 10 ലക്ഷം നിയന്ത്രിത ഉൽപ്പന്നങ്ങളും പ്ലാറ്റ്‌ഫോമിൽ നിന്ന് നീക്കം ചെയ്തതായി കമ്പനി വെളിപ്പെടുത്തി.
ഇ-കൊമേഴ്‌സ് പ്ലാറ്റ്‌ഫോമുകളിൽ വർദ്ധിച്ചു വരുന്ന വ്യാജ ഉൽപ്പന്നങ്ങളെ കുറിച്ചുള്ള ആശങ്കകൾ ഉയരവെയാണ് മീഷോയുടെ പുതിയ നീക്കം. ഗുണനിലവാര പരിശോധനകൾ തുടർച്ചയായി ശക്തമാക്കുന്നതിനും വ്യാജ ഉൽപ്പന്നങ്ങളെയും മോശം വിൽപ്പനക്കാരെയും ഫലപ്രദമായി തിരിച്ചറിയുന്നതിനും നൂതന സാങ്കേതിക വിദ്യകൾ കമ്പനി പ്രയോജനപ്പെടുത്തിയെന്ന് മീഷോ സ്ഥാപകനും ചീഫ് ടെക്‌നോളജി ഓഫീസറുമായ സഞ്ജീവ് ബർൺവാൾ പറഞ്ഞു.
“സാങ്കേതികവിദ്യ കൂടുതലായി ഉപയോഗിച്ചുകൊണ്ട് ഗുണനിലവാര പരിശോധനകൾ മെച്ചപ്പെടുത്തുകയും തന്ത്രപ്രധാനമായ ബ്രാൻഡ് പങ്കാളിത്തം രൂപീകരിക്കുകയും ചെയ്യുന്നതിലൂടെ വ്യാജ ഉൽപ്പന്നങ്ങൾ കണ്ടെത്തുന്നതിനും ഉപയോക്താക്കളെ അപകടത്തിൽ നിന്ന് സംരക്ഷിക്കുന്നതിനുമുള്ള കമ്പനിയുടെ കഴിവ് ഉയർത്തിയതായി മീഷോ സിഎക്‌സ്‌ഒ, ഉത്കൃഷ്ട കുമാർ പറഞ്ഞു.
1800-ഓളം ബ്രാൻഡുകൾ ഉൾപ്പെടുന്ന ഒരു ‘സുരക്ഷാ ലിസ്റ്റ്’ മീഷോ സൃഷ്ടിച്ചിട്ടുണ്ട്. കൂടാതെ ഇ-കൊമേഴ്‌സ് പ്ലാറ്റ്‌ഫോമിൽ വ്യാജവും നിയന്ത്രിതവുമായ ഉൽപ്പന്നങ്ങളെ ചെറുക്കുന്നതിന് ‘പ്രോജക്റ്റ് സുരക്ഷാ’ മീഷോ അവതരിപ്പിച്ചു. വഞ്ചന കണ്ടെത്തുന്നതിന് അനലിറ്റിക്കൽ മോഡലുകൾ പ്രയോജനപ്പെടുത്തി. ഈ പ്രോജക്റ്റിന്റെ ഭാഗമായി ഉയർന്ന അപകടസാധ്യതയുള്ളതായി തിരിച്ചറിഞ്ഞിട്ടുള്ള ഏകദേശം 1,800 ബ്രാൻഡുകൾ ഉൾക്കൊള്ളുന്ന ഒരു ‘സുരക്ഷ ലിസ്റ്റ്’ മീഷോ സൃഷ്ടിച്ചു. കഴിഞ്ഞ ആറ് മാസത്തിനിടെ 42 ലക്ഷം വ്യാജ ഉൽപ്പന്ന ലിസ്റ്റിംഗുകളും 10 ലക്ഷം നിയന്ത്രിത ഉൽപ്പന്നങ്ങളും നിർജ്ജീവമാക്കിയ പദ്ധതി ശ്രദ്ധേയമായ ഫലങ്ങൾ നൽകിയതായി മീഷോ അറിയിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
