റാന്നി: ആസാദി കാ അമൃത് മഹോത്സവ് സമാപനത്തിന് മുന്നോടിയായി ഉള്ള മേരി മാട്ടി, മേരാ ദേശ് ക്യാമ്പയിനുമായി റാന്നി ബി ആർ സി മാതൃകയായി. ഉൾച്ചേരൽ വിദ്യാഭ്യാസത്തിന്റെ ഭാഗമായി റാന്നി-പെരുനാട് ഹൈസ്കൂളിൽ പ്രവർത്തിക്കുന്ന സ്പെഷ്യൽ കെയർ സെൻ്ററിൽ ആണ് ക്യാമ്പയിൻ തുടങ്ങിയത്. പെരുന്നാട് ഗ്രാമ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എം. എസ് ശ്യാം ആഘോഷ പരിപാടികൾ ഉദ്ഘാടനം ചെയ്തു. സ്കൂൾ പ്രഥമാധ്യാപിക ഉഷാകുമാരി അധ്യക്ഷത വഹിച്ചു.
ബിപിസി ഷാജി എ. സലാം കുട്ടികൾക്കായി പ്രത്യേകം ക്ലാസ് എടുത്തു. സ്വാതന്ത്ര്യത്തിന്റെ ചൂരും ചൂടും അനുഭവവേദ്യമാക്കിയുള്ള ഡിജിറ്റൽ ക്ലാസ് കുട്ടികൾക്ക് നവ്യാനുഭവമായി. പിറന്ന നാടിൻ്റെ സ്വാതന്ത്ര്യത്തിനുവേണ്ടി ജീവൻ ത്യജിച്ച ബലിദാനികൾക്ക് മുൻപിൽ ശ്രദ്ധാഞ്ജലി അർപ്പിച്ചു. സ്വാതന്ത്ര്യവും സാഹോദര്യവും സൗഹൃദവും സമഭാവനയും കൈമോശം വരാതെ നോക്കണം എന്ന് കുട്ടികളെ ഉദ്ബോധിപ്പിച്ചു. ദേശീയവും പ്രാദേശികവുമായ പ്രമുഖരായ സ്വാതന്ത്ര്യ സമര സേനാനികളുടെ ഫോട്ടോ പ്രദർശനം നടന്നു. കുട്ടികൾ നേതാക്കന്മാരുടെ ജീവചരിത്രക്കുറിപ്പ് വായിച്ച് അവതരിപ്പിച്ചു.
ദേശഭക്തിഗാനങ്ങളുടെ ദൃശ്യാവിഷ്കാരം, ദേശീയ പതാക നിർമ്മാണം എന്നിവ ആഘോഷത്തിന് മാറ്റുകൂട്ടി. റാന്നി ബി.ആർ.സിയിലെ സ്പെഷൽ എഡ്യൂക്കേറ്റർമാരായ സീമ എസ്. പിള്ള, റിയാ മോൾ റോയ് എന്നിവർ പ്രവർത്തനങ്ങൾക്ക് നേതൃത്വം നൽകി. സ്വാതന്ത്ര്യത്തിന്റെ 75ാംവാർഷികത്തിന് മുന്നോടിയായി 2021 ഓഗസ്റ്റ് 12 തുടങ്ങിയ ആസാദി കാ അമൃത് മഹോത്സവ് 2023 ഓഗസ്റ്റ് 15നാണ് അവസാനിക്കുന്നത്. ബി ആർ സി യുടെ നേതൃത്വത്തിൽ 14ന് വിവിധ ഇടങ്ങളിൽ മേരി മാട്ടി, മേരാ ദേശ് കാമ്പയിൻ തുടരും. ക്യാമ്പയിൻ ഏറ്റെടുത്ത സംസ്ഥാനത്തെ ആദ്യ ബി.ആർ സി ആണ് റാന്നി.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
