തിരുവനന്തപുരം : അപൂർണ ഭവനങ്ങളുടെ പൂർത്തീകരണ പദ്ധതിയായ സേഫിൽ പട്ടികവിഭാഗങ്ങൾക്കായി പുതുതായി 10,000 വീടുകൾ അനുവദിക്കുമെന്ന് പട്ടികജാതി, പട്ടികവർഗ പിന്നാക്ക ക്ഷേമ വകുപ്പ് മന്ത്രി ഒ.ആർ കേളു നിയമസഭയെ അറിയിച്ചു. ഇതിനു പുറമേ 6,000 പഠനമുറികളും അനുവദിക്കുമെന്ന് ധനാഭ്യർഥന ചർച്ചയിൽ മന്ത്രി വ്യക്തമാക്കി. നിലവിലുള്ള സംരംഭങ്ങൾക്ക് അധിക സഹായമായി 10 ലക്ഷം രൂപ നൽകുന്ന ‘സമൃദ്ധി കേരളം’ പദ്ധതിയിൽ 1000 സംരംഭങ്ങളും ആരംഭിക്കും. 50,000 അഭ്യസ്തവിദ്യർക്ക് നൈപുണ്യ പരിശീലനം നൽകി തൊഴിലുറപ്പാക്കും.
ഡിജിറ്റൽ വർക്ക്‌ഫോഴ്‌സ് മാനേജ്‌മെന്റ് സിസ്റ്റം പോർട്ടലിൽ രജിസ്റ്റർ ചെയ്തവർക്കാണ് വിവിധ മേഖലകളിൽ തൊഴിലുറപ്പാക്കുന്നത്. പട്ടികവർഗ വികസന വകുപ്പ് രൂപീകരിച്ചതിന്റെ സുവർണ ജൂബിലി ആഘോഷങ്ങളുടെ ഭാഗമായി കൈവരിച്ച നേട്ടങ്ങളും സാർവദേശീയ അനുഭവങ്ങളും പങ്കുവെയ്ക്കുന്നതിന് അന്താരാഷ്ട്ര കോൺക്ലേവും ദേശീയ ട്രൈബൽ ഫെസ്റ്റിവലും സംഘടിപ്പിക്കും. വകുപ്പുകളുടെ കീഴിലുള്ള വിവിധ കോർപറേഷനുകളെ ഏകോപിപ്പിച്ച് 1,200 കോടി രൂപയുടെ സംരംഭക സഹായം അനുവദിക്കും. 15ൽ താഴെ കുടുംബങ്ങളുള്ള ഉന്നതികളിൽ അടിസ്ഥാന സൗകര്യ വികസനത്തിന് തദ്ദേശസ്ഥാപനങ്ങളുമായി ചേർന്ന് പുതിയ പദ്ധതി നടപ്പാക്കുമെന്നും മന്ത്രി അറിയിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
