എം.എം. മണിക്കും ഇടത് നേതാക്കള്‍ക്കും ധൈര്യമുണ്ടോ പിണറായിയുടെ മുന്നില്‍ സമരം ചെയ്യാൻ – ഡീൻ കുര്യാക്കോസ്

തൊടുപുഴ: മൂന്നാറില്‍ ദൗത്യസംഘത്തെ നിയോഗിച്ചത് ഇടുക്കി എം.പിയും കലക്ടറും കൂടിയാണെന്ന പ്രചാരണം ഇടുക്കിയിലെ ജനങ്ങളുടെ കണ്ണില്‍ പൊടിയിടാനാണെന്ന് ഡീൻ കുര്യാക്കോസ് എം.പി. ദൗത്യസംഘത്തെ നിയോഗിച്ച്‌ ഉത്തരവിറക്കിയ സര്‍ക്കാറിന്റെ നടപടി കണ്ടില്ലെന്നുനടിച്ചാണ് എം.എം. മണി അടക്കം നേതാക്കള്‍ തനിക്കെതിരെ പറയുന്നത്. ലോക്സഭ തെരഞ്ഞെടുപ്പ് മുന്നില്‍ക്കണ്ടുള്ള നീക്കമാണിതെന്നും ഡീൻ ആരോപിച്ചു. എം.എം. മണി അടക്കമുള്ള എല്‍.ഡി.എഫ് നേതാക്കള്‍ തന്‍റേടമുണ്ടെങ്കില്‍ മുഖ്യമന്ത്രി പിണറായി വിജയനെതിരെയാണ് സംസാരിക്കേണ്ടത്. മൂന്നാറിലെ 335 കൈയേറ്റങ്ങളുടെ പട്ടിക ആഗസ്റ്റ് 19ന് ഹൈകോടതിയില്‍ സമര്‍പ്പിച്ചത് ഇടുക്കി കലക്ടറാണ്. സി.പി.എം പറയുന്നത് ആ റിപ്പോര്‍ട്ട് വസ്തുതവിരുദ്ധമാണെന്നാണ്. കലക്ടര്‍ സര്‍ക്കാറിന്റെ ഭാഗമായിരിക്കെ ഇടത് നേതാക്കള്‍ ഇരട്ടത്താപ്പാണ് കാണിക്കുന്നത്.

ഈ റിപ്പോര്‍ട്ടിന് പിന്നാലെ എന്ത് നടപടി ഉണ്ടായി എന്ന് കോടതി ചോദിച്ചപ്പോള്‍ ദൗത്യസംഘത്തെ നിയോഗിക്കുമെന്ന് സര്‍ക്കാര്‍ തന്നെയാണ് പറഞ്ഞത്. പിന്നീട് സെപ്റ്റംബര്‍ 26ന് ദൗത്യസംഘത്തെ നിയോഗിച്ചെന്ന് സര്‍ക്കാറുതന്നെ കോടതിയെ അറിയിച്ചു. അന്നൊന്നും കോടതിയില്‍ എതിര്‍പ്പ് പ്രകടിപ്പിക്കാതെ ഇപ്പോള്‍ തന്റെനേരെ ആരോപണങ്ങള്‍ ഉന്നയിക്കുന്നത് അനാവശ്യ രാഷ്ട്രീയ പ്രചാരണമാണ്. ഇടുക്കിയില്‍ നിന്ന് മോശം പദപ്രയോഗങ്ങള്‍ ഉപയോഗിച്ച്‌ പ്രസംഗം നടത്തുന്ന എം.എം. മണി എം.എല്‍.എയും ഇടത് നേതാക്കളും ധൈര്യമുണ്ടെങ്കില്‍ ദൗത്യസംഘ രൂപവത്കരണത്തിനെതിരെ മുഖ്യമന്ത്രി പിണറായി വിജയന്റെ മുന്നില്‍പോയി സമരം ചെയ്യണം. ജില്ലയിലെ ഭൂ വിഷയങ്ങള്‍ ഇത്രത്തോളം വഷളാക്കിയ ശേഷം വാസ്തവവിരുദ്ധമായ കാര്യങ്ങളാണ് പ്രചരിപ്പിക്കുന്നതെന്നും ഡീൻ കുര്യാക്കോസ് പറഞ്ഞു.

കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4  മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 0468  295 3033 /
mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033