പത്തനംതിട്ട : ഇരവിപേരൂര്‍ ഗ്രാമപഞ്ചായത്ത് പ്രസിഡന്റ് കെ.ബി ശശിധരന്‍ പിള്ളയുടെ നേതൃത്വത്തില്‍ സ്പോണ്‍സര്‍മാരെ കണ്ടെത്തി മൊബൈല്‍ ഫോണുകള്‍ വിതരണം ചെയ്തു. ഓണ്‍ലൈന്‍ ക്ലാസില്‍ പങ്കെടുക്കുന്നതിനുള്ള സൗകര്യം ഇല്ലാതെ ബുദ്ധിമുട്ട് അനുഭവിക്കുന്ന 40 കുട്ടികളെ ഇരവിപേരൂര്‍ ഗ്രാമപഞ്ചായത്തിന്റെ ആഭിമുഖ്യത്തില്‍ കണ്ടെത്തിയിരുന്നു. തുടര്‍ന്ന് ഇവര്‍ക്ക് മൊബൈല്‍ ഫോണ്‍ നല്‍കുന്നതിന് ഇരവിപേരൂര്‍ ഗ്രാമപഞ്ചായത്ത് പ്രസിഡന്റ് കെ.ബി ശശിധരന്‍ പിള്ളയുടെ നേതൃത്വത്തില്‍ സ്പോണ്‍സര്‍മാരെ കണ്ടെത്തി. ഇതുപ്രകാരം ലഭ്യമായ മൊബൈല്‍ ഫോണുകള്‍ മന്ത്രി വീണാ ജോര്‍ജ് വിതരണം ചെയ്തു. സിആര്‍സി കോ-ഓര്‍ഡിനേറ്റര്‍ ബി.ശ്രീലേഖ ഫോണുകള്‍ ഏറ്റുവാങ്ങി.
