ഇലന്തൂര്‍ : അയത്തില്‍ – ഇലന്തൂര്‍ റോഡ്‌ അത്യാധുനിക രീതിയില്‍ ടാറിങ്‌ കഴിഞ്ഞ്‌ മാസങ്ങളായെങ്കിലും നടുവിലായ പോസ്‌റ്റുകള്‍ മാറ്റാന്‍ ഇതുവരെ നടപടി ഉണ്ടായില്ല. ഇതേ തുടര്‍ന്ന്‌ അപകടം ഇപ്പോഴും തുടരുകയാണ്‌. നാട്ടുകാര്‍ ചൂണ്ടിക്കാട്ടിയിട്ടും അധികൃതരുടെ ഭാഗത്തുനിന്ന്‌ ഉണ്ടായിട്ടില്ല. റോഡ്‌ കോണ്‍ട്രാക്‌ടര്‍ കെ.എസ്‌.ഇ.ബിയില്‍ തുക അടച്ചാല്‍ മാത്രമേ പോസ്‌റ്റുകള്‍ മാറ്റാന്‍ കഴിയുവെന്നാണ്‌ കെ.എസ്‌.ഇ.ബി പറയുന്നത്‌. അപകടകരമായ രീതിയില്‍ ഒന്നിലേറെ പോസ്‌റ്റുകള്‍ ടാറിട്ട റോഡില്‍ നിന്നിട്ടും ആരുടേയും ഭാഗത്തു നിന്നും നടപടി ഉണ്ടാകുന്നില്ലെന്ന്‌ നാട്ടുകാര്‍ പറയുന്നു. കഴിഞ്ഞ ദിവസം സ്‌കൂട്ടര്‍ പോസ്‌റ്റില്‍ ഇടിച്ച്‌ ചക്കിട്ടയില്‍ ഷിബുവിനും മകള്‍ക്കും പരുക്കേറ്റു. ട്യൂഷന്‍ കഴിഞ്ഞു മക്കളെയും കൊണ്ട്‌ മഴയത്ത്‌ വീട്ടിലേക്ക്‌ വരുന്ന വഴി പോസ്‌റ്റിലിടിച്ചു വീണായിരുന്നു അപകടം. ഷിബുവിനെയും മകളെയും മുത്തൂറ്റ്‌ ആശുപത്രിയില്‍ പ്രവേശിപ്പിച്ചു. പോസ്‌റ്റുകള്‍ റോഡിനു നടുവില്‍ നിന്ന്‌ മാറ്റുവാന്‍ നടപടി ഉണ്ടാകണമെന്നാണ്‌ നാട്ടുകാര്‍ ആവശ്യപ്പെടുന്നത്‌.
WANTED MARKETING MANAGER
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ (www.pathanamthittamedia.com) മാര്‍ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
