തിരുവനന്തപുരം : മുട്ടില്‍ മരം മുറിയെക്കുറിച്ച്‌ അന്വേഷിക്കാന്‍ പ്രത്യേക സംഘത്തെ ചുമതലപ്പെടുത്തിയതായി മുഖ്യമന്ത്രി. ഉപ്പു തിന്നവര്‍ വെള്ളം കുടിക്കുമെന്നും മുഖ്യമന്ത്രി വാര്‍ത്താസമ്മേളനത്തില്‍ പറഞ്ഞു. ഇടുക്കിയിലെ കര്‍ഷകരാണ് മരം മുറിക്കാന്‍ കഴിയുന്നില്ലെന്ന് പറഞ്ഞ് ഒന്നു രണ്ട് വര്‍ഷം മുമ്പ് തന്നെ സമീപിച്ചിരുന്നു. ആ പശ്ചാത്തലത്തില്‍ പിന്നീട് നല്‍കിയ അനുമതിയുടെ മറവിലാണ് ക്രമക്കേട് നടന്നത്. ക്രൈം ബ്രാഞ്ച്, ഫോറസ്റ്റ്, വിജിലന്‍സ് എന്നിവരടങ്ങുന്ന സംഘം ഈ കേസ് അന്വേഷിക്കും. കുറ്റക്കാര്‍ക്കെതിരേ കര്‍ശന നടപടി സ്വീകരിക്കുമെന്നും മുഖ്യമന്ത്രി പറഞ്ഞു.
