തിരുവനന്തപുരം: പാര്‍ട്ടി നേതാക്കള്‍ ഉള്‍പ്പെടെയുള്ളവരുടെ അനധികൃത സ്വത്ത് സമ്പാദനങ്ങള്‍ പരിശോധിക്കുമെന്ന് സി.പി.എം.സംസ്ഥാന സെക്രട്ടറി എം.വി. ഗോവിന്ദന്‍. ജനവിരുദ്ധവും തെറ്റായതുമായ പ്രവണതകള്‍ പാര്‍ട്ടിയില്‍ വച്ചുപൊറുപ്പിക്കില്ല. പാര്‍ട്ടി പ്രവര്‍ത്തകര്‍ തെറ്റായ കാര്യങ്ങള്‍ ചെയ്താല്‍ വിട്ടുവീഴ്ച ഉണ്ടാകില്ലെന്നും നേതൃയോഗങ്ങള്‍ക്കുശേഷം നടത്തിയ വാര്‍ത്താ സമ്മേളനത്തില്‍ എം.വി.ഗോവിന്ദന്‍ പറഞ്ഞു.
കേന്ദ്ര സര്‍ക്കാര്‍ സംസ്ഥാന സര്‍ക്കാരിനെ പ്രയാസപ്പെടുത്തുന്ന തരത്തിലുള്ള സാമ്പത്തിക നിലപാടുകളാണ് സ്വീകരിച്ചുവരുന്നത്. കേന്ദ്ര ഏജന്‍സികളെ ഉപയോഗപ്പെടുത്തി സര്‍ക്കാരിനേയും മുഖ്യമന്ത്രിയേയും അപകീര്‍ത്തിപ്പെടുത്താനുള്ള നിരവധി ശ്രമങ്ങള്‍ തിരഞ്ഞെടുപ്പിന് മുമ്പും ശേഷവും സംഘടിപ്പിക്കുകയുണ്ടായി. ജി.എസ്.ടിയുമായി ബന്ധപ്പെട്ട് നഷ്ടപരിഹാരത്തുക തുടര്‍ച്ചയായി അഞ്ച് വര്‍ഷമെങ്കിലും നല്‍കണമെന്ന കേരളത്തിന്റെയും നിരവധി ബി.ജെ.പിയിതര സംസ്ഥാനങ്ങളുടേയും ആവശ്യം കേന്ദ്രം ചെവികൊള്ളുന്നില്ല.
വെള്ളം കടക്കാത്ത കംപാര്‍ട്ട്മെന്റല്ല പാര്‍ട്ടി. ജീര്‍ണതകള്‍ പാര്‍ട്ടിയിലും അരിച്ചു കയറുന്നു. പാര്‍ട്ടിക്ക് അംഗീകരിക്കാനാകാത്ത പ്രവണതകളെ ഫലപ്രദമായി തിരുത്തണം. തെറ്റുതിരുത്തല്‍ ഒരു ദിവസം കൊണ്ട് പൂര്‍ത്തിയാകില്ല. പാര്‍ട്ടി ജീവിതത്തില്‍ ഉടനീളം ഈ പ്രക്രിയ തുടരണം.പാര്‍ട്ടി നിലപാടുകള്‍ ജനപക്ഷത്തുനിന്നാകണം. തെറ്റായ പ്രവണതകള്‍ക്കു പാര്‍ട്ടി കൂട്ടു നില്‍ക്കില്ല. അത്തരം പ്രശ്നങ്ങളില്‍ പാര്‍ട്ടി ഇടപെടും. ജനങ്ങള്‍ക്ക് അംഗീകരിക്കാത്ത കാര്യങ്ങളെ പാര്‍ട്ടിയും സ്വീകരിക്കില്ല. പാര്‍ട്ടി നേതാക്കളും വര്‍ഗ ബഹുജന സംഘടനകളും തുടര്‍ഭരണ സാഹചര്യത്തില്‍ ജാഗ്രതയോടെ പ്രവര്‍ത്തിക്കണമെന്നും എം.വി.ഗോവിന്ദന്‍ പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
