രണ്ട് തവണ ഓസ്‌ട്രേലിയൻ ഓപ്പൺ ചാമ്പ്യനായ നവോമി ഒസാക്ക ടൂർണമെന്റിൽ നിന്ന് പിന്മാറി. ഒസാക്കയുടെ പിന്മാറ്റ വിവരം ട്വീറ്റിലൂടെയാണ് സംഘാടകർ അറിയിച്ചത്. ജാപ്പനീസ് താരത്തിന്റെ പിന്മാറ്റത്തിനുള്ള കാരണം വ്യക്തമാക്കിയിട്ടില്ല. നേരത്തെ യു.എസ് ഓപ്പൺ ചാമ്പ്യനും ലോക ഒന്നാം നമ്പർ താരവുമായ കാർലോസ് അൽകാരസും ഓസ്‌ട്രേലിയൻ ഓപ്പണിൽ നിന്നും പിന്മാറിയിരുന്നു. ജനുവരി 16ന് മെൽബണിലാണ് ഓസ്‌ട്രേലിയൻ ഓപ്പൺ ആരംഭിക്കുന്നത്.
ഒസാക്കയുടെ അഭാവത്തിൽ യുക്രൈൻ താരം ദയാന യാസ്ട്രെംസ്കയെ മെയിൻ ഡ്രോയിലേക്ക് മാറ്റിയതായി ഓസ്‌ട്രേലിയൻ ഓപ്പൺ വ്യക്തമാക്കി. 2019ലും 2021ലും ഒസാക്ക കിരീടം നേടിയിരുന്നു. കഴിഞ്ഞ വർഷം മുൻ ഒന്നാം നമ്പർ താരം മൂന്നാം റൗണ്ടിലേക്ക് മുന്നേറിയെങ്കിലും അമാൻഡ അനിസിമോവയോട് 4-6, 6-3, 7-6(5) എന്ന സ്കോറിന് തോറ്റു. കഴിഞ്ഞ വർഷം യുഎസ് ഓപ്പണിൽ നിന്ന് ആദ്യ റൗണ്ടിൽ തന്നെ പുറത്തായ ഒസാക്ക സെപ്റ്റംബറിൽ ടോക്കിയോയിൽ നടന്ന പാൻ പസഫിക് ഓപ്പണിലാണ് അവസാനമായി കളിച്ചത്.
ഏഴ് തവണ ചാമ്പ്യനായ വീനസ് വില്യംസ് പിന്മാറിയതിന് തൊട്ടുപിന്നാലെയാണ് ഒസാക്ക ഓസ്‌ട്രേലിയൻ ഓപ്പണിൽ നിന്ന് പിന്മാറുന്നത്. കഴിഞ്ഞ ആഴ്‌ച നടന്ന ഓക്‌ലൻഡ് ക്ലാസിക്കിൽ പരിക്കേറ്റതിനെ തുടർന്നാണ് വെറ്ററൻ അമേരിക്കൻ താരം വീനസ് വില്യംസ് പിന്മാറിയത്. ലോക റാങ്കിംഗിൽ 42-ാം സ്ഥാനത്തേക്ക് പിന്തള്ളപ്പെട്ട ഒസാക്ക, 2021 ഫ്രഞ്ച് ഓപ്പൺ ഒഴിവാക്കിയതിന് ശേഷം മാനസികാരോഗ്യത്തിന് മുൻഗണന നൽകുന്നതിനായി ഒരു ഇടവേള എടുത്തിരുന്നു. പിന്നീട് താൻ വിഷാദരോഗത്തോട് പൊരുതുകയാണെന്ന് വെളിപ്പെടുത്തുകയും ചെയ്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
