മസ്കറ്റ് : പാലക്കാട് സ്വദേശി ഒമാനിലെ ബുറൈമിയില്‍ കെട്ടിടത്തിന് മുകളില്‍ നിന്ന് വീണുമരിച്ചു. പട്ടാമ്പി വല്ലപ്പുഴ സ്വദേശിയായ ഷറഫുദ്ദീന്‍ (29) ആണ് മരിച്ചത്. ബുറൈമി അല്‍ വാഹ സൂപ്പര്‍ മാര്‍ക്കറ്റിന് സമീപം സഹോദരനുമൊത്ത് മൊബൈല്‍ ഷോപ്പ് നടത്തിവരുകയായിരുന്നു. നേരത്തേ വസ്ത്ര വ്യാപാര രംഗത്തും പ്രവര്‍ത്തിച്ചിരുന്നു. ഞായറാഴ്ച രാവിലെയാണ് താമസിക്കുന്ന കെട്ടിടത്തിന് മുകളില്‍ നിന്ന് വീണ് മരിച്ചത്. ഭാര്യയും ഒന്‍പത് മാസം പ്രായമായ കുട്ടിയുമുണ്ട്. മൃതദേഹം ബുറൈമി ആശുപത്രി മോര്‍ച്ചറിയില്‍.
