കണ്ണൂര്‍ : എന്‍.സി.പി സംസ്ഥാന ജനറല്‍ സെക്രട്ടറി കെ.കെ രാജന്‍ അന്തരിച്ചു. 75 വയസ്സായിരുന്നു. കോവിഡ് ബാധിച്ച്‌ കോഴിക്കോട് സ്വകാര്യ ആശുപത്രിയില്‍ ചികിത്സയില്‍ ആയിരുന്നു. ഒരാഴ്ച മുമ്പ് കോവിഡ് നെഗറ്റീവ് ആയെങ്കിലും ആരോഗ്യസ്ഥിതിയില്‍ പുരോഗതി ഉണ്ടായില്ല. ന്യുമോണിയയും ഹൃദയ സംബന്ധമായ അസുഖങ്ങളും ഉണ്ടായിരുന്നു.
കണ്ണൂരിലെ എല്‍.ഡി.എഫിന്റെ പ്രമുഖ നേതാക്കളില്‍ ഒരാളായിരുന്നു കണ്ണൂര്‍ മുഴപ്പാല സ്വദേശിയായ കെ കെ രാജന്‍. ഇടതുപക്ഷ പ്രസ്ഥാനത്തിനും കണ്ണൂരിന്റെ രാഷ്ട്രീയ- സാമൂഹ്യ മേഖലയ്ക്കും കനത്ത നഷ്ടമാണ് അദേഹത്തിന്റെ വിയോഗമെന്ന് മുഖ്യമന്ത്രി പിണറായി വിജയന്‍ അനുശോചന സന്ദേശത്തില്‍ പറഞ്ഞു.
