ആലപ്പുഴ: നെഹ്റു ട്രോഫി വള്ളംകളിയുടെ നേരിട്ടുള്ള ടിക്കറ്റ് വില്‍പന തുടങ്ങി. ആര്‍.ഡി.ഒ ഓഫിസില്‍ നടന്ന ചടങ്ങില്‍ സംവിധായകന്‍ ഷാഹി കബീര്‍ ഹോട്ടല്‍ റമദ ജനറല്‍ മാനേജര്‍ ജോസഫ് കെ. ജേക്കബിന് ടിക്കറ്റ് നല്‍കി വില്‍പന ഉദ്ഘാടനം ചെയ്തു. ഹബീബ് തയ്യിലിനും സംവിധായകന്‍ ഷാഹി കബീര്‍ വള്ളംകളിയുടെ ടിക്കറ്റ് നല്‍കി.ആഗസ്റ്റ് 12ന് പുന്നമടയില്‍ നടക്കുന്ന വള്ളംകളിയുടെ ടൂറിസ്റ്റ് ഗോള്‍ഡ് (നെഹ്റു പവിലിയന്‍) – 3000 രൂപ, ടൂറിസ്റ്റ് സില്‍വര്‍ (നെഹ്റു പവിലിയന്‍) – 2500 രൂപ, റോസ് കോര്‍ണര്‍ (കോണ്‍ക്രീറ്റ് പവിലിയന്‍) -1000 രൂപ, വിക്ടറി ലൈന്‍ (വൂഡന്‍ ഗാലറി)- 500 രൂപ, ഓള്‍ വ്യൂ (വൂഡന്‍ ഗാലറി) – 300 രൂപ, ലേക് വ്യൂ (വുഡന്‍ ഗാലറി) – 200 രൂപ, ലോണ്‍-100 രൂപ എന്നിങ്ങനെയാണ് വിവിധ ടിക്കറ്റുകളുടെ നിരക്ക്.
ജില്ലയിലെ എല്ലാ സര്‍ക്കാര്‍ ഓഫിസുകളിലും കാസര്‍കോട്, കണ്ണൂര്‍, വയനാട്, ഇടുക്കി ഒഴികെ ജില്ലകളിലെ എല്ലാ പ്രധാന സര്‍ക്കാര്‍ ഓഫിസുകളിലും വള്ളംകളിയുടെ ടിക്കറ്റ് ലഭിക്കും. https://nehrutrophy.nic.in/pages-en-IN/online_ticket.php, https://feebook.southindianbank.com/FeeBookUser/kntbr എന്നീ ലിങ്കുകള്‍ വഴിയും ടിക്കറ്റെടുക്കാം.
