ഇടുക്കി: നവജാത ശിശുവിനെ അനാഥാലയത്തിന്റെ മുറ്റത്ത്‌ ഉപേക്ഷിച്ച സംഭവത്തില്‍ കോട്ടയം അയര്‍ക്കുന്നം സ്വദേശികളായ ദമ്പതികളെ പോലീസ് അറസ്റ്റ് ചെയ്തു. അയര്‍ക്കുന്നം തേത്തുരുത്തില്‍ അമല്‍ കുമാര്‍ (31), ഭാര്യ അപര്‍ണ (26) എന്നിവരാണ്‌ പ്രതികള്‍. കുഞ്ഞിന്റെ പിതൃത്വത്തെ ചൊല്ലി ഇരുവരും പിണക്കത്തില്‍ കഴിയുകയായിരുന്നു എന്ന് പോലീസ് പറഞ്ഞു.
പോലീസ് സംഭവ സ്ഥലത്തെത്തി നടത്തിയ അന്വേഷണത്തില്‍ സിസിടിവി ദൃശ്യത്തില്‍ ഇവര്‍ സഞ്ചരിച്ച വാഹനത്തിന്റെ നമ്പര്‍ കണ്ടെത്തി.
തുടര്‍ന്ന് ഞായറാഴ്ച രാത്രിയില്‍ കാഞ്ഞാര്‍ പോലീസ് കോട്ടയത്തെത്തി വാഹനത്തിന്റെ ഉടമയെ കണ്ടെത്തി. ശേഷം രാത്രി ചന്നെ അമല്‍ കുമാറിനെയും അപര്‍ണയേയും കസ്റ്റഡിയിലെടുക്കുകയായിരുന്നു.
