പത്തനംതിട്ട : ശബരിമലയിലേക്ക് പുഷ്പാഭിഷേകത്തിന് പൂക്കൾ എത്തിക്കാൻ വടക്കേ ഇന്ത്യൻ കരാറുകാരൻ. കേരളത്തിലെയും തമിഴ്നാട്ടിലെയും പുഷ്പ വ്യാപാരികൾ ഏറ്റെടുത്ത് നടത്തിയിരുന്ന കരാറാണ് ഇക്കുറി വടക്കേ ഇന്ത്യയിൽ ഗുജറാത്തിൽ നിന്നുള്ള കമ്പനി ഏറ്റെടുത്തത്. ഈ ടെണ്ടർ വഴി നടന്ന ലേലത്തിൽ 1,46,55,555 രൂപയ്ക്കാണ് ഇവർ കരാർ ഉറപ്പിച്ചിരിക്കുന്നത്. ഇതിനു പുറമെ 18 ശതമാനം ജിഎസ്ടിയും ഇഎംടിയും അടക്കണം. ഇതോടെ ആകെ അടക്കേണ്ട തുക ഒരു കോടി 80 ലക്ഷം വരെ എത്തും.
ലേലത്തിൽ ഒരു ടെണ്ടർ മാത്രമേ ഉണ്ടായിരുന്നുള്ളൂ. ഇതോടെയാണ് ഗുജറാത്ത് കമ്പനിക്ക് കരാർ ലഭിച്ചത്. കഴിഞ്ഞ വർഷം രണ്ട് കരാറുകാർ തമ്മിൽ തർക്കം ഉണ്ടായി. പൂക്കൾ ലഭിക്കാതെ വരുമോയെന്ന സംശയത്തിനിടെ പഴയ കരാറുകാരൻ യഥാസമയം പൂക്കൾ നൽകിയാണ് അന്ന് പ്രതിസന്ധി പരിഹരിച്ചത്. പൂക്കൾ കേരളത്തിന് പുറമെ തമിഴ്നാട്, കർണാടക, ആന്ധ്ര പ്രദേശ് തുടങ്ങിയിടങ്ങളിൽ നിന്നാണ് കഴിഞ്ഞ കാലങ്ങളിൽ കൊണ്ടുവന്നത്. പുതിയ കരാറുകാരനും സമീപ സംസ്ഥാനങ്ങളിൽ നിന്ന് പൂക്കൾ എത്തിക്കാനാണ് പദ്ധതി. താമര, ജമന്തി, അരളി, തുളസി, മുല്ല, കൂവളം തുടങ്ങിയവയുടെ പൂക്കളും ഇലകളുമാണ് അഭിഷേകത്തിന് ഉപയോഗിക്കുന്നത്.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
