ഇന്ത്യന്‍ ഭക്ഷണവിഭവങ്ങളില്‍ വ്യാപകമായി ഉപയോഗിക്കുന്ന പച്ചക്കറിയാണ് ഉള്ളി. ഉള്ളി കഴിക്കുന്നത് ആരോഗ്യപരമായ പല ഗുണങ്ങളും നല്‍കുന്നു. ഇത് കഴിക്കുന്നത് നിങ്ങളുടെ ശരീരത്തിന്റെ പേശികളെ ബലപ്പെടുത്തും. ഉള്ളി കണ്ണിന്റെ ആരോഗ്യത്തിന് നല്ലതാണ്. ഇതില്‍ കാല്‍സ്യം, വിറ്റാമിന്‍ സി, ഇരുമ്പ്, സെലിനിയം, ഫൈബര്‍, ക്വെര്‍സെറ്റിന്‍, വിറ്റാമിന്‍ ബി6, മഗ്‌നീഷ്യം തുടങ്ങിയ പോഷകങ്ങള്‍ അടങ്ങിയിട്ടുണ്ട്.
മാത്രമല്ല, ഉള്ളിക്ക് ആന്റി-ഇന്‍ഫ്‌ലമേറ്ററി, ആന്റി ബാക്ടീരിയല്‍, ആന്റി കാന്‍സര്‍, ആന്റിഓക്സിഡന്റ്, ആന്റിത്രോംബോട്ടിക് ഗുണങ്ങളുണ്ട്. എന്നിരുന്നാലും, പച്ച ഉള്ളി അമിതമായി കഴിക്കുന്നത് ചില ആരോഗ്യ പ്രശ്‌നങ്ങള്‍ക്ക് കാരണമാകും. പ്രമേഹരോഗികള്‍ക്ക് പച്ച ഉള്ളി കഴിക്കുന്നത് നല്ലതല്ല. ഇത് രക്തത്തിലെ പഞ്ചസാരയുടെ അളവ് കുറയ്ക്കുന്നു. മാത്രമല്ല, ഇതിന്റെ അമിതമായ ഉപയോഗം വയറുവേദനയ്ക്കും നെഞ്ചെരിച്ചിലും ഉണ്ടാക്കും. ഇത് ഛര്‍ദ്ദി, ഓക്കാനം എന്നിവയ്ക്കും കാരണമാകുന്നു. സവാള അമിതമായി കഴിക്കുന്നത് എക്‌സിമയ്ക്ക് കാരണമാകും. പച്ച ഉള്ളിയില്‍ ഉയര്‍ന്ന അളവില്‍ സള്‍ഫര്‍ അടങ്ങിയിട്ടുണ്ട്. ഇത് വായ് നാറ്റത്തിന് കാരണമാകുന്നു. കൂടാതെ കണ്ണുകളെ അസ്വസ്ഥമാക്കുന്നു. അസംസ്‌കൃത ഉള്ളി കഴിക്കുന്നത് സാല്‍മൊണല്ല ബാക്ടീരിയ ദഹനനാളത്തിലേക്ക് പ്രവേശിക്കുന്നതിന് കാരണമാകും.
