ഓമല്ലൂര്‍ : ഓമല്ലൂര്‍ സഹകരണ ബാങ്കിന്റെ പ്രവര്‍ത്തനവും രൂക്ഷമായ സാമ്പത്തിക പ്രതിസന്ധിയിലെന്ന്‌ സഹകാരികള്‍. നിക്ഷേപകര്‍ക്ക്‌ പണം തിരിച്ചു നല്‍കാന്‍ കഴിയാത്ത സ്ഥിതിയാണ്‌ ഇവിടെയുമെന്ന്‌ ബാങ്കിന്റെ വാര്‍ഷിക റിപ്പോര്‍ട്ട്‌ പറയുന്നു. 2021- 22ലെ വാര്‍ഷിക റിപ്പോര്‍ട്ടില്‍ ബാങ്കിന്റെ അറ്റാദായ നഷ്‌ടം 41 കോടി രൂപയാണ്‌. ഒരു രൂപ പോലും പ്രവര്‍ത്തന മൂലധന നിക്ഷേപം ഇല്ല. 2007 – 08 മുതല്‍ ബാങ്ക്‌ നഷ്‌ടത്തിലാണ്‌ പ്രവര്‍ത്തിക്കുന്നതെന്ന്‌ റിപ്പോര്‍ട്ടില്‍ പറയുന്നു. കരുതല്‍ ധനം ഒന്നുമില്ലെന്നു പറയുന്ന ബാങ്കിന്റെ സ്‌റ്റേറ്റ്‌മെന്റില്‍ 55 കോടി രൂപയാണ്‌ നിക്ഷേപമായി കാണിച്ചിരിക്കുന്നത്‌. 26 കോടി രൂപ വായ്‌പ പറയുന്നു. ഈ തുക മുഴുവന്‍ തിരിച്ചടവ്‌ വന്നാലും നിക്ഷേപകര്‍ക്ക്‌ നല്‍കാന്‍ ബാക്കി 29 കോടി രൂപ ബാങ്ക്‌ കണ്ടെത്തേണ്ടതായിട്ടുണ്ടെന്നാണ്‌ കണക്കുകള്‍ സൂചിപ്പിക്കുന്നത്‌.
വാര്‍ഷിക റിപ്പോര്‍ട്ടില്‍ ഒരു സ്‌ഥലത്ത്‌ ബാങ്ക്‌ 41 കോടി രൂപ നഷ്‌ടം കാണിക്കുമ്പോള്‍ 2021-22 വര്‍ഷത്തെ ലാഭനഷ്‌ട കണക്കില്‍ നാല്‍പത്‌ കോടി എണ്‍പത്‌ ലക്ഷത്തി എണ്‍പത്തിയോരായിരത്തി നാല്‍പ്പത്തിയെട്ട്‌ രൂപ മാത്രമാണ്‌ കാണിച്ചിരിക്കുന്നത്‌. സി.പി.എമ്മിന്‍റെ നിയന്ത്രണത്തിലാണ്‌ ബാങ്ക്‌ പ്രവര്‍ത്തിച്ചു വരുന്നത്‌. ബാങ്ക്‌ നടത്തിപ്പ്‌ സംബന്ധിച്ച്‌ നിരവധി പരാതികളാണ്‌ എല്ലാ വര്‍ഷവും ഓഡിറ്റ്‌ റിപ്പോര്‍ട്ടില്‍ സൂചിപ്പിക്കുന്നത്‌. ക്രമക്കേടുകളെ തുടര്‍ന്ന്‌ 2013 ല്‍ ഭരണസമിതി പിരിച്ചു വിട്ടിരുന്നു. തുടര്‍ന്ന്‌ നടന്ന തെരഞ്ഞെടുപ്പിലും സി.പി.എം. അധികാരത്തില്‍ എത്തി. ജില്ലാപഞ്ചായത്ത്‌ പ്രസിഡന്റ്‌ അഡ്വ. ഓമല്ലൂര്‍ ശങ്കരനാണ്‌ ഇപ്പോള്‍ ബാങ്ക്‌ പ്രസിഡന്റ്‌. ആസ്‌തി ബാധ്യത സ്‌റ്റേറ്റ്‌മെന്റില്‍ കോടികളുടെ മൂല്യശോഷണം ഉണ്ടെന്നും അത്‌ ബാങ്കിന്റെ നിലനില്‍പ്പിനെ ബാധിക്കുമെന്നുള്ള കഴിഞ്ഞകാല ഓഡിറ്റിലെ പരാമര്‍ശവും വര്‍ധിച്ചു വരുന്ന സാമ്പത്തിക ബാദ്ധ്യതയും നിക്ഷേപകരെയും സഹകാരിമാരെയും ആശങ്കയില്‍ ആഴ്‌ത്തിയിട്ടുണ്ടെന്നും സഹകാരിയായ രവീന്ദ്രവര്‍മ്മ അംബാനിലയം പറയുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
