പത്തനംതിട്ട : ജില്ലാ ആസ്‌ഥാനം പുനര്‍നിര്‍മിക്കാന്‍ അധികാരികളുടെ കണ്ണു തുറക്കാന്‍ വേണ്ടി ചിത്രകാരന്മാരുടെ ചിത്രമെഴുത്ത്‌. കണ്ണങ്കരയിലാണ്‌ സ്‌മൃതി ബിജു, ജോണ്‍സണ്‍ ജെ. അടൂര്‍, രാജൂസ്‌ കുളനട എന്നിവര്‍ ചേര്‍ന്ന്‌ ചിത്രം വരച്ച്‌ പ്രതിഷേധിച്ചത്‌. നഗരത്തിലെ റോഡുകള്‍ തകര്‍ന്ന്‌ ഗതാഗതം തടസപ്പെടുകയും നിത്യേന അപകടങ്ങള്‍ സംഭവിക്കുകയും ചെയ്യുന്നതില്‍ മനംനൊന്താണ്‌ കുമ്പഴ സ്വദേശി സ്‌മൃതി ബിജു കണ്ണങ്കര ജംഗ്ഷനില്‍ വരയരങ്ങ്‌ സംഘടിപ്പിക്കുമെന്ന്‌ ഫേസ്‌ ബുക്കില്‍ പോസ്‌റ്റ്‌ ഇട്ടത്‌. ബിജുവിന്‌ പിന്തുണയുമായി ജോണ്‍സണ്‍ ജെ. അടൂരും രാജൂസ്‌ കുളനടയും എത്തി. അപകടങ്ങളില്‍ പൊലിയുന്ന മനുഷ്യ ജീവനുകളെപ്പറ്റി അധികാരികളുടെയും പൊതു സമൂഹത്തിന്‍റെയും മനസാക്ഷിയെ ഉണര്‍ത്തുന്നതിന്‌ ലക്ഷ്യമിട്ടാണ്‌ സ്‌മൃതി ബിജു തന്റെ ചിത്രം വരച്ചത്‌. റോഡുകള്‍ തകര്‍ന്ന അവസ്ഥയിലാകുമ്പോള്‍ നഷ്‌ടമാകുന്ന വിലപ്പെട്ട സമയം പ്രമേയമാക്കിയ ചിത്രമാണ്‌ രാജൂസ്‌ കുളനട കാന്‍വാസില്‍ വരച്ചത്‌. തകര്‍ന്ന റോഡുകളെ മനുഷ്യ ജീവനുകളെ വിഴുങ്ങാന്‍ കൊതിയോടെ നില്‍ക്കുന്ന രാക്ഷസനോടുപമിക്കുന്നതായിരുന്നു ജോണ്‍സണ്‍ ജെ. അടൂരിന്റെ ചിത്രം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
