പന്തളം : പന്തളം വലിയ കോയിക്കല്‍ ധര്‍മശാസ്താ ക്ഷേത്രത്തില്‍ തിരക്കേറുന്നു. വൃശ്ചികം ഒന്നിന് ശബരിമലനട തുറന്നതിനുശേഷം മുന്‍ വര്‍ഷത്തേക്കാള്‍ വലിയ തിരക്കാണ് ഇത്തവണ പന്തളത്ത് അനുഭവപ്പെടുന്നത്. കോവിഡിന്റെ നിയന്ത്രണങ്ങള്‍ മാറിയതിനാല്‍ നാട്ടുകാരും മറുനാട്ടുകാരുമായ തീര്‍ഥാടകര്‍ ദര്‍ശനത്തിനായും അന്നദാനത്തിനായും ധാരാളം എത്തിച്ചേരുന്നുണ്ട്. മുന്‍വര്‍ഷത്തേക്കാള്‍ കൂടുതല്‍ ഭക്തര്‍ ദർശനത്തിനെത്തുമെന്ന് മുന്‍കൂട്ടി ധാരണയുള്ളതിനാൽ സൗകര്യങ്ങളും കൂടുതലായി ഒരുക്കിയിട്ടുണ്ട്. വൃശ്ചികം ഒന്നുമുതല്‍തന്നെ തിരുവാഭരണ ദർശനത്തിനായി രാവിലെയും വൈകീട്ടും നീണ്ട നിരതന്നെയുണ്ട്.
പുലര്‍ച്ചെ 5.30 മുതൽ രാത്രി എട്ടുവരെയാണ് ദര്‍ശന സമയം. ഘോഷയാത്രാ ദിവസമായ ജനുവരി 12-ന് ഉച്ചയ്ക്ക് 12 വരെ ക്ഷേത്രത്തിൽ ആഭരണങ്ങൾ ദർശനത്തിനായി തുറക്കും. ഈ വർഷം 12-നാണ് തിരുവാഭരണ ഘോഷയാത്ര പന്തളത്തുനിന്നു പുറപ്പെടുന്നത്. പന്തളം വലിയകോയിക്കൽ ധർമശാസ്താ ക്ഷേത്രത്തിൽ മൂന്നു നേരം തീർഥാടകർക്ക് ഭക്ഷണസൗകര്യം ഒരുക്കുന്നുണ്ട്. ദേവസ്വംബോർഡും ക്ഷേത്ര ഉപദേശകസമിതിയും ചേർന്നാണ് ഭക്ഷണം നൽകുന്നത്. തീർഥാടകർക്ക് ഉച്ചഭക്ഷണവും സായാഹ്നഭക്ഷണവും ഒരുക്കുവാൻ സേവാസംഘടനകളും രംഗത്തുണ്ട്.
മണികണ്ഠനാൽത്തറയിൽ അയ്യപ്പസേവാസംഘമാണ് ഉച്ചഭക്ഷണം ഒരുക്കിയിട്ടുള്ളത്. പാലസ് വെൽഫയർ സൊസൈറ്റി സായാഹ്ന ഭക്ഷണമാണ് ഒരുക്കുന്നത്. അനുബന്ധ ക്ഷേത്രമായ മുട്ടാർ അയ്യപ്പക്ഷേത്രത്തിലും 17 മുതൽ 41 ദിവസം ഉച്ചഭക്ഷണമുണ്ട്. കുളനട പഞ്ചായത്തിലെ കൈപ്പുഴയിൽ തീർഥാടകർക്ക് വാഹനം നിർത്തിയിടാനും ആഹാരം പാകംചെയ്യാനും വിശ്രമിക്കാനുമുള്ള സൗകര്യം ഒരുക്കിയിരിക്കുന്നു. കുളനട പഞ്ചായത്താണ് ഇവിടെ സൗകര്യം ഒരുക്കിയിട്ടുള്ളത്.
നിങ്ങളുടെ ബിസിനസ് / സ്ഥാപനം ബ്രാന്‍ഡ് ചെയ്യുക
ദിനപ്പത്രങ്ങളിലെ പരസ്യത്തിന്റെ ആയുസ്സ് കേവലം നിമിഷങ്ങള്‍ മാത്രമാണ്, തന്നെയുമല്ല താലൂക്ക് തലത്തിലോ ജില്ല മുഴുവനോ പ്രസിദ്ധീകരിക്കുന്ന ആ ബ്ലാക്ക് ആന്‍ഡ് വൈറ്റ് പരസ്യത്തിന് നിങ്ങള്‍ നല്‍കുന്നത് വന്‍ തുകയാണ്. എന്നാല്‍ ഓണ്‍ ലൈന്‍ വാര്‍ത്താ ചാനലില്‍ നല്‍കുന്ന പരസ്യം ലോകമെങ്ങും കാണും, ഒരു നിമിഷത്തേക്കല്ല – ഒരു മാസമാണ് ഈ പരസ്യം ഡിസ്പ്ലേ ചെയ്യപ്പെടുന്നത്. അതും വളരെ കുറഞ്ഞ നിരക്കില്‍.
————————–
ദിവസേന നൂറിലധികം വാര്‍ത്തകള്‍ പ്രസിദ്ധീകരിക്കുന്ന പത്തനംതിട്ട മീഡിയ (www.pathanamthittamedia.com) ഇന്ന് കേരളത്തിലെ മുന്‍ നിര മാധ്യമങ്ങള്‍ക്കൊപ്പമാണ്. പത്തനംതിട്ട ജില്ലയിലെ പ്രാദേശിക വാര്‍ത്തകള്‍ക്ക് കൂടുതല്‍ പരിഗണന നല്‍കുന്നതോടൊപ്പം കേരളത്തിലെ വാര്‍ത്തകളും ദേശീയ – അന്തര്‍ദേശീയ വാര്‍ത്തകളും അപ്പപ്പോള്‍ ജനങ്ങളിലേക്ക് എത്തിക്കുന്നുണ്ട്. വാര്‍ത്തകള്‍ വായിക്കുവാന്‍ ഒരാള്‍ നിരവധി തവണ പത്തനംതിട്ട മീഡിയയില്‍ കയറാറുണ്ട്. ഇങ്ങനെ കയറുന്ന ഓരോ പ്രാവശ്യവും നിങ്ങളുടെ പരസ്യം കാണും, ഇതിലൂടെ നിങ്ങളുടെ ബിസിനസ് / സ്ഥാപനം ബ്രാന്‍ഡ് ചെയ്യപ്പെടുകയാണ്. ലോകമെങ്ങും എത്തട്ടെ ..നിങ്ങളുടെ പരസ്യം.
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 70255 53033 / 0468 295 3033 /233 3033 mail – [email protected]
