ശംഖുംമുഖം: തിരുവനന്തപുരം അന്താരാഷ്ട്ര വിമാനത്താവളത്തിൽ എയർഇന്ത്യ എക്സ്‌പ്രസ് വിമാനങ്ങൾ വൈകിയതിൽ പ്രതിഷേധവുമായി യാത്രക്കാർ. തിരുവനന്തപുരത്തു നിന്ന് ചൊവ്വാഴ്ച ഹൈദരാബാദിലേക്കും ദുബായിലേക്കും ഷാർജയിലേക്കും അബുദാബിയിലേക്കും പോകേണ്ട എയർഇന്ത്യ എക്സ്‌പ്രസിന്റെ സർവീസുകളാണ് മണിക്കൂറുകളോളം വൈകിയത്. വിമാനത്താവളത്തിൽ നേരത്തെയെത്തി ബോർഡിംഗ് പാസെടുത്ത് ടെർമിനലിനുള്ളിൽ കാത്തിരിക്കുമ്പോഴാണ് വിമാനം വൈകുമെന്ന് അറിയിപ്പ് വരുന്നത്. യാത്രക്കാർക്ക് വെള്ളമോ ഭക്ഷണമോ നൽകാൻ പോലും എയർലൈൻസ് തയാറായില്ല.
ടെർമിനലിനുള്ളിൽ നിന്ന് ഭക്ഷണം വാങ്ങാൻ വലിയ തുക നൽകേണ്ടതിനാൽ കൂടുതൽ പേരും പട്ടിണിയിരുന്നു. നാലും അഞ്ചും മണിക്കൂറുകളാണ് വിമാനങ്ങൾ വൈകിയത്. എയർഇന്ത്യ എക്സ്‌പ്രസ് നേരത്തെ വിമാനത്തിനുള്ളിൽ യാത്രക്കാർക്ക് സൗജന്യ ഭക്ഷണം നൽകിയിരുന്നു. എന്നാൽ എയർഇന്ത്യ ടാറ്റയുടെ ഉടമസ്ഥതയിലേക്ക് പോയതോടെ സൗജന്യ ഭക്ഷണം നിറുത്തലാക്കി. കൂടുതൽ കാബിൻക്രൂ ജീവനക്കാരെ നിയോഗിക്കാത്തതാണ് വിമാനങ്ങൾ സ്ഥിരമായി വൈകുന്നതിന് കാരണം. ഡ്യൂട്ടി സമയം കഴിഞ്ഞ് ക്രൂ വിമാനത്തിൽ നിന്നിറങ്ങിയാൽ അടുത്ത പറക്കലിന് സജ്ജമാകാനുള്ള ക്രൂ സംവിധാനം എയർഇന്ത്യയിൽ കുറവാണ്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
