ഡ്യൂട്ടിയെ ചൊല്ലിയുണ്ടായ തര്‍ക്കo : എആര്‍ ക്യാമ്പില്‍ പോലീസുകാര്‍ ഏറ്റുമുട്ടി

പത്തനംതിട്ട :  എആര്‍ ക്യാമ്പില്‍ പോലീസുകാര്‍  തമ്മില്‍ ഏറ്റുമുട്ടി. ക്യാമ്പിലെ മെസ് ഓഫീസറും കുക്കുമാണ് അടിപിടിയില്‍ ഏര്‍പ്പെട്ടത്. ഡ്യൂട്ടിയെ ചൊല്ലിയുണ്ടായ തര്‍ക്കമാണ് കയ്യാങ്കളിയിലേയ്ക്ക്  എത്തിയത്. മെസ് ഓഫീസര്‍ മര്‍ദിച്ചുവെന്നാണ് ക്യാമ്പിലെ കുക്കിന്റെ ആരോപണം. ജോലി ചെയ്യാന്‍ വിസമ്മതിച്ചപ്പോള്‍ ചോദ്യം ചെയ്യുകയാണുണ്ടായതെന്നും കുക്ക് മദ്യലഹരിയിലായിരുന്നു എന്നുമാണ് മെസ് ഓഫീസറുട വിശദീകരണം. പോലീസ് കേസ് എടുത്ത് അന്വേഷണം ആരംഭിച്ചു. നടപടികളില്‍ നിന്ന് രക്ഷപെടുന്നതിന് മെസ് ഓഫീസര്‍ മനപ്പൂര്‍വ്വം കെട്ടിച്ചമച്ചതാണ് മദ്യപിച്ച് വഴക്കുണ്ടാക്കിയതെന്ന ആരോപണം എന്നാണ് മെസ് ഡ്യൂട്ടിക്കാരന്‍ പറയുന്നത്. പ്രശ്‌നം ഡിജിപിയുടെ ചെവിയിലുമെത്തിയതാണ് ഉദ്യോഗസ്ഥരില്‍ നിന്ന് ലഭിക്കുന്ന വിവരം. സംഭവത്തില്‍ ഇരുവർക്കുമെതിരെ നടപടിക്കാണ് സാധ്യത.