പത്തനംതിട്ട : നഗരസഭയെ സമ്പൂർണമാലിന്യമുക്തമാക്കി പ്രഖ്യാപിച്ചിട്ട് ദിവസങ്ങളെ ആയിട്ടുള്ളൂ. എന്നാല്‍ നഗരഹൃദയം ഇതുവരെ മാലിന്യ മുക്തമായിട്ടില്ല. അതിന് ഉത്തമ ഉദാഹരണമാണ് നഗരത്തിലൂടെ ഒഴുകുന്ന കണ്ണങ്കര തോട്. മദ്യക്കുപ്പി, പ്ലാസ്റ്റിക്ക് കുപ്പി, നാപ്കിൻ, പോളിത്തീൻ കവറിൽ കെട്ടിയ ഭക്ഷണാവശിഷ്ടങ്ങൾ തുടങ്ങി വൻ മാലിന്യശേഖരമാണ് തോട്ടിൽ തള്ളിയിരിക്കുന്നത്. ഇതിനൊപ്പം പെരുമ്പാമ്പിനെ ചത്ത്‌ അഴുകിയ നിലയിലും കണ്ടെത്തി. എന്നാല്‍ പത്തനംതിട്ട നഗരസഭ അധികൃതര്‍ ഇതൊന്നും കണ്ടില്ലെന്ന് നടിക്കുകയാണ്. വലിയ തോതിൽ മലിനമാക്കപ്പെട്ട ഈ തോട് ഒഴുകിയെത്തുന്നത് അച്ചൻകോവിലാറ്റിലേക്കാണ്. കുളിക്കുന്നതിനും കുടിക്കുന്നതിനും ജനങ്ങൾ ഉപയോഗിക്കുന്ന വെള്ളമാണിത്. ഏതാനും നാൾമുൻപ് കണ്ണങ്കരതോട് പുനരുജ്ജീവിപ്പിക്കുന്ന പ്രവൃത്തി നടന്നിരുന്നു. എന്നാൽ നാളുകൾക്കിപ്പുറം തോടും അതോടൊപ്പം ആറും വലിയ തോതിലാണ് മലിനമാക്കപ്പെടുന്നത്. ആരോഗ്യമന്ത്രിയുടെ ജന്മനാട്ടിലെ അവസ്ഥയാണിത്. വിഷയത്തില്‍ എത്രയും വേഗം അധികൃതർ ഇടപെടണമെന്ന് കോൺഗ്രസ് ബ്ലോക്ക് ജനറൽ സെക്രട്ടറി അബ്ദുൽ ഷുക്കൂർ ആവശ്യപ്പെട്ടു.
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
