ഡ​യ​റ​ക്ട​ർ ത​സ്തി​ക​യി​ൽ ആ​ളില്ലാതെ കോ​ന്നി ഭ​ക്ഷ്യ​ഗ​വേ​ഷ​ണ കേ​ന്ദ്രം

കോ​ന്നി: ദ​ക്ഷി​ണേ​ന്ത്യ​യി​ലെ മി​ക​ച്ച മൈ​ക്രോ ല​ബോ​റ​ട്ട​റി​യാ​യ കോ​ന്നി ഭ​ക്ഷ്യ ഗ​വേ​ഷ​ണ കേ​ന്ദ്ര​ത്തി​ലെ ഡയ​റ​ക്ട​ർ ത​സ്തി​ക​യി​ൽ അ​ഞ്ചു​മാ​സ​ത്തി​ലേ​റെ​യാ​യി ആ​ളി​ല്ല. സം​സ്ഥാ​ന​ത്തു ഭ​ക്ഷ്യ​ഗു​ണ​നി​ല​വാ​ര പരിശോധയ്ക്കു​ള്ള പ്ര​ധാ​ന ലാ​ബോ​റ​ട്ട​റി​യി​ലേ​ക്ക് ഡ​യ​റ​ക്ട​റെ നി​യ​മി​ക്കു​ന്ന​തി​ൽ സ​ർ​ക്കാ​ർ ഭാ​ഗ​ത്ത് അ​നാ​സ്ഥ ഉ​ള്ള​താ​യി ആ​ക്ഷേ​പം. സം​സ്ഥാ​ന സി​വി​ൽ സ​പ്ലൈ​സ് കോ​ർ​പ​റേ​ഷ​ന്റെ കീ​ഴി​ലാ​ണ് ലാ​ബോ​റ​ട്ട​റി . ഡയറക്ടർ നി​യ​മ​ന​വു​മാ​യി ബ​ന്ധ​പ്പെ​ട്ട് സ​പ്ലൈ​കോ അ​പേ​ക്ഷ ക്ഷ​ണി​ക്കാ​റു​ണ്ടെ​ങ്കി​ലും നി​യ​മ​നം നടത്തുന്നില്ല.

സി​വി​ൽ സ​പ്ലൈ​സ് കോ​ർ​പ്പറേ​ഷ​ൻ വി​ത​ര​ണം ചെ​യ്യു​ന്ന ഭ​ക്ഷ്യ വ​സ്തു​ക്ക​ളു​ടെ ഗു​ണ​നി​ല​വാ​ര പരിശോധനയാണ് പ്ര​ധാ​ന​മാ​യും ലാ​ബി​ൽ ന​ട​ക്കു​ന്ന​ത്. ഓ​ണ​ക്കി​റ്റി​ൽ വി​ത​ര​ണ​ത്തി​നെ​ത്തി​ച്ച പർപ്പടകത്തിന്റെ​യും ശ​ർ​ക്ക​ര​യു​ടെ​യും ഗു​ണ​നി​ല​വാ​രം ഇ​ല്ലാ​ത്ത​ത് ക​ണ്ടെ​ത്തി​യ​ത് കോ​ന്നി ലാ​ബി​ലാ​ണ് . ഫുഡ് ടെ​ക്നോ​ള​ജി​യി​ലോ അ​നു​ബ​ന്ധ വി​ഷ​യ​ത്തി​ലോ ഡോ​ക്ട​റേ​റ്റ് ഉ​ള്ള 50 വ​യ​സി​ൽ ക​വി​യാ​ത്ത​വ​രെ​യാ​ണ് നി​യ​മി​ക്കേ​ണ്ട​ത്. ത​ത്തു​ല്യ യോ​ഗ്യ​ത​യു​ള്ള ആ​രും അ​ഞ്ചു​ത​വ​ണ അ​പേ​ക്ഷ ക്ഷ​ണി​ച്ച​പ്പോ​ഴും ഉ​ണ്ടാ​യി​ല്ലെ​ന്ന് അ​ധി​കൃ​ത​ർ പ​റ​യു​ന്നു. ല​ഭി​ച്ച അ​പേ​ക്ഷ​ക​ളി​ലെ ഉ​ന്ന​ത യോ​ഗ്യ​ത​യു​ള്ള​വ​രെ ഉ​ത്ത​ര​വ് പു​തു​ക്കി നി​യ​മി​ക്കേ​ണ്ടി​വ​രും. ‌

മൈ​ക്രോ ല​ബോ​റ​ട്ട​റി​ക്ക് പു​റ​മെ ഫു​ഡ് ടെ​ക്നോ​ള​ജി കോ​ള​ജ്, ഇ​ന്ദി​രാ​ഗാ​ന്ധി ഓ​പ്പ​ൺ യൂ​ണി​വേ​ഴ്സി​റ്റി സെ​ന്‍റ​ർ എ​ന്നി​യും സി​എ​ഫ്ആ​ർ​ഡി കോ​ന്നി കാ​മ്പ​സി​ൽ പ്ര​വ​ർ​ത്തി​ക്കു​ന്നു​ണ്ട്. എം​ബി​എ കോ​ള​ജും ഉ​ട​ൻ തു​ട​ങ്ങും. മൂവാ​റ്റു​പു​ഴ ഫ​ല വ​ർ​ഗ സം​സ്ക​ര​ണ കേ​ന്ദ്ര​ത്തി​ന്റെ മേ​ൽ​നോ​ട്ട​വും കോ​ന്നി കേ​ന്ദ്ര​ത്തി​നാ​ണ്. കോ​ള​ജ് പ്രിൻസിപ്പലാ​ണ് ഇ​പ്പോ​ൾ ഡ​യ​റ​ക്ട​റു​ടെ ചു​മ​ത​ല വ​ഹി​ക്കു​ന്ന​ത്.