ദുബായ് : ഇസ്രയേൽ ആക്രമണത്തിൽ പരുക്കേറ്റ 210 രോഗികളെ ഗാസയിൽ നിന്ന് യുഎഇയിലെത്തിച്ചു. ലോകാരോഗ്യ സംഘടനയുമായി ചേർന്നാണ് യുഎഇ രോഗികളെ കൊണ്ടുവരുന്ന നടപടി പൂർത്തീകരിച്ചത്. ഇസ്രയേൽ ആക്രമണത്തിൽ ഗുരുതരമായി പരിക്കേറ്റ 86 പേർ ഉൾപ്പെടെ 210 രോഗികളെയാണ് യു.എ.ഇയിലെത്തിച്ചത്. അബുദാബി വിമാനത്താവളത്തിൽ ഇറങ്ങിയ രോഗികളെയും വിദഗ്ധ ചികിത്സക്കായി യുഎഇയിലെ വിവിധ ആശുപത്രികളിലേക്ക് മാറ്റി. ഗാസയിൽ നിന്ന് വരുന്ന 22ാമത്തെ സംഘമാണിത്. യു.എ.ഇ പ്രസിഡന്‍റ് ശൈഖ് മുഹമ്മദ് ബിൻ സായിദ് ആൽ നഹ്യാനാണ് ഗാസയിൽ യുദ്ധത്തിൽ പരിക്കേറ്റവരെയും അർബുദ ബാധിതർ ഉൾപ്പെടെയുള്ള രോഗികളേയും സഹായിക്കുന്നതായി പ്രഖ്യാപിച്ചത്. ഇതിന്റെ ഭാഗമായാണ് രോഗികളെ എത്തിക്കുന്ന മാനുഷിക പ്രവർത്തനങ്ങൾ പുരോഗമിക്കുന്നത്. യുദ്ധത്തിൽ പരിക്കേറ്റ 1000ലധികം കുട്ടികളും 1000 അർബുദ ബാധിതരും യു.എ.ഇയിലെ ആശുപത്രികളിൽ ചികിത്സയിലാണ്. ഗാസയിൽ നിന്ന് രോഗികളും കുടുംബങ്ങളുമടക്കം 2127 പേരെയാണ് യു.എ.ഇയിലെത്തിച്ചത്. യു.എ.ഇയും ലോകാരോഗ്യ സംഘടനയും തമ്മിലുള്ള ശക്തമായ സഹകരണമാണ് പുതിയ സംരംഭത്തിലൂടെ പ്രതിഫലിക്കുന്നതെന്ന് വിദേശകാര്യ മന്ത്രാലയത്തിലെ വികസനകാര്യ അസിസ്റ്റന്റ് മന്ത്രി സുൽത്താൻ മുഹമ്മദ് അൽശംസി പറഞ്ഞു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
