പത്തനംതിട്ട : സര്‍ക്കാരിന്റെ പ്രവര്‍ത്തനങ്ങളെ ജനങ്ങള്‍ വിലയിരുത്തുന്നതിന്റെ തെളിവാണ് വാര്‍ഷികത്തെ ജനങ്ങള്‍ ഉത്സവമാക്കി മാറ്റിയതെന്ന് അഡ്വ. മാത്യു ടി.തോമസ് എംഎല്‍എ പറഞ്ഞു. സംസ്ഥാന സര്‍ക്കാരിന്റെ രണ്ടാം വാര്‍ഷികത്തിന്റെ ഭാഗമായുള്ള എന്റെ കേരളം പ്രദര്‍ശന വിപണനയുടെ സമാപന സമ്മേളനത്തില്‍ അധ്യക്ഷത വഹിച്ച് സംസാരിക്കുകയായിരുന്നു എംഎല്‍എ.
സര്‍ക്കാരിന്റെ പ്രവര്‍ത്തനങ്ങള്‍ ശരിയായ രീതിയില്‍ ജനങ്ങള്‍ക്ക് മുമ്പില്‍ അവതരിപ്പിച്ച് നടപ്പിലാക്കാന്‍ കഴിയുന്നു എന്നതാണ് വാര്‍ഷിക പരിപാടി ജനങ്ങള്‍ ഏറ്റെടുത്ത് വിജയിപ്പിക്കാന്‍ കാരണം. ഒരാഴ്ച നീണ്ടു നിന്ന പ്രദര്‍ശന വിപണനമേള കഴിഞ്ഞ തവണത്തേക്കാള്‍ മെച്ചപ്പെട്ട നിലയില്‍ നടത്താന്‍ സാധിച്ചു. എല്ലാ പരിപാടികളിലും കൂടുതല്‍ ജന പങ്കാളിത്തം ഉണ്ടായി. പശ്ചാത്തല സൗകര്യവികസനം, അതിദാരിദ്ര നിര്‍മാര്‍ജനമടക്കം ജനജീവിതവുമായി ബന്ധപ്പെടുന്ന വസ്തുതകള്‍ കൈകാര്യം ചെയ്യാന്‍ സര്‍ക്കാര്‍ നടപ്പാക്കിയ പരിപാടികള്‍ മേളയിലൂടെ ജനങ്ങള്‍ മനസിലാക്കി. ആരോഗ്യ രംഗത്തെ മാറ്റങ്ങള്‍, പുതിയ വ്യവസായ സംരംഭങ്ങള്‍, കിഫ്ബി മുഖേന നടപ്പിലാക്കുന്ന പുതിയ സംരംഭങ്ങള്‍ തുടങ്ങി ജനങ്ങള്‍ക്ക് പ്രതീക്ഷ നല്‍കുന്ന നിലയിലാണ് സര്‍ക്കാര്‍ ഇക്കാലമത്രയും മുന്നോട്ട് പോയത്. ഇത് പരിപാടികളിലെ ജനപങ്കാളിത്തം വിളിച്ചറിയിക്കുന്നു. തുടര്‍ച്ചയായി ജനപക്ഷത്ത് നിന്നുകൊണ്ട് പ്രവര്‍ത്തനങ്ങള്‍ ഏറ്റെടുക്കാന്‍ സര്‍ക്കാരിന് സാധിക്കുന്നുണ്ട്. അതിന് ജനങ്ങള്‍ നല്‍കുന്ന അംഗീകാരമാണ് തുടര്‍ ഭരണവും ഓരോ പരിപാടികളുടെ വിജയവും. വളരെ മനോഹരമായും കുറ്റമറ്റതുമായ രീതിയില്‍ മേള നടത്താന്‍ സാധിച്ചു എന്നും എംഎല്‍ എ പറഞ്ഞു.
സര്‍ക്കാര്‍ മേളകളെ ഉത്സവമാക്കി മാറ്റാന്‍ സാധിക്കുമെന്ന് വകുപ്പുകള്‍ എന്റെ കേരളം പ്രദര്‍ശന വിപണന മേളയിലൂടെ തെളിയിച്ചതായി അഡ്വ. പ്രമോദ് നാരായണ്‍ എംഎല്‍എ പറഞ്ഞു. ഓരോ വകുപ്പുകളും സ്റ്റാളുകളില്‍ അവരുടെ പ്രവര്‍ത്തനങ്ങളും അതുവഴി ഉണ്ടാക്കുന്ന മാറ്റങ്ങളും ജനങ്ങള്‍ക്ക് അനുഭവവേദ്യമാക്കുകയായിരുന്നു.
സര്‍ക്കാര്‍ നടത്തുന്ന പ്രവര്‍ത്തനങ്ങളും പദ്ധതികളും ലക്ഷ്യങ്ങളും ജനങ്ങള്‍ക്ക് പങ്കുവയ്ക്കുക എന്ന ലക്ഷ്യത്തോടെ സംഘടിപ്പിച്ച എന്റെ കേരളം മേള ജില്ലയിലെ ജനങ്ങള്‍ ഏറ്റെടുത്ത് വലിയ ഉത്സവമായാണ് മാറിയത്.
വകുപ്പുകള്‍ സജ്ജമാക്കിയ സ്റ്റാളുകളില്‍ നിന്ന് വിവരങ്ങള്‍ സ്വായത്തമാക്കുന്നതിനും കൗതുകമാര്‍ന്ന മത്സരങ്ങളില്‍ പങ്കെടുക്കുന്നതിനും ജനങ്ങള്‍ തയാറായത് മേളയെ ജനകീയമാക്കി. മേളയിലെ ജനപ്രവാഹവും കലാപരിപാടികളും സായഹ്നങ്ങള്‍ക്ക് അപൂര്‍വമായ കാന്തി നല്‍കിയെന്നും ആരോഗ്യ മന്ത്രി വീണാ ജോര്‍ജിന്റെ നേതൃത്വത്തില്‍ ജനപ്രതിനിധികളും ജില്ലാ ഭരണകൂടവും മികച്ച രീതിയില്‍ മേള സംഘടിപ്പിച്ചെന്നും എം എല്‍ എ പറഞ്ഞു.
‘എന്റെ കേരളം’, പ്രദര്‍ശന വിപണനമേള മാത്രമായിരുന്നില്ല കലാ സാംസ്‌കാരിക മേളയ കൂടിയായിരുന്നുവെന്ന് ജില്ലാ പഞ്ചായത്ത് പ്രസിഡന്റ് അഡ്വ.ഓമല്ലൂര്‍ ശങ്കരന്‍ പറഞ്ഞു. ജില്ലയുടെ സാംസ്‌കാരിക മേളയായാണ് കഴിഞ്ഞു പോയത്. വകുപ്പുകള്‍ തമ്മില്‍ ആരോഗ്യപരമായ മത്സരമായിരുന്നു മേളയില്‍ നടന്നതെന്നും പഞ്ചായത്ത് പ്രസിഡന്റ് പറഞ്ഞു. സര്‍ക്കാരിന്റെ വാര്‍ഷികം ജനങ്ങളുടെ ആഘോഷമാണെന്ന് തെളിയിച്ച മേളയാണ് എന്റെ കേരളം പ്രദര്‍ശന വിപണന മേളയെന്നും ജനങ്ങള്‍ ആവേശവും ആനന്ദവും ഒരുമിച്ച് പങ്കിടുന്ന ദിവസങ്ങളായിരുന്നു കഴിഞ്ഞ് പോയതെന്നും ജില്ലാ കളക്ടര്‍ ഡോ. ദിവ്യ എസ് അയ്യര്‍ പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
