പെരുനാട് : പെരുനാട് ഗ്രാമപഞ്ചായത്ത് സമ്പൂർണ്ണ വയോജന സൗഹൃദ ഗ്രാമം ആകുന്നതിന്റെ ഭാഗമായിട്ട് വയോജന ക്ലബ്ബ് രൂപീകരിക്കും. റാന്നി എംഎൽഎ അഡ്വ. പ്രമോദ് നാരായണ്‍ പഞ്ചായത്ത് തല വയോജന ക്ലബ്ബ് രൂപീകരണം ഉദ്ഘാടനം നിർവഹിക്കും. വയോജനങ്ങൾ അഭിമുഖീകരിക്കുന്ന പ്രശ്നങ്ങൾ അവരുടെ നേതൃത്വത്തിൽ ഒരു പരിധിവരെ പരിഹരിക്കാൻ കഴിയുന്ന തരത്തിലാണ് വയോജന സൗഹൃദ പദ്ധതിക്ക് രൂപം നൽകിയിട്ടുള്ളത്. ഗ്രാമപഞ്ചായത്ത് അസോസിയേഷൻ സാമൂഹ്യനീതി വകുപ്പ്, കില എന്നിവയുടെ പിന്തുണയോടെയാണ് പദ്ധതി നടപ്പിലാക്കുന്നത്. ഇതിന്റെ ഭാഗമായി പെരുനാട് ഗ്രാമ പഞ്ചായത്തിലെ 15 വാർഡുകളിലും 59 വയസ്സ് കഴിഞ്ഞവരെ ഉൾപ്പെടുത്തി വാർഡ് തലവയോജന ക്ലബ് രൂപീകരിച്ചു. പെരുനാട് ഗ്രാമപഞ്ചായത്ത് പ്രസിഡൻറ് പി .എസ് മോഹനൻ അധ്യക്ഷത വഹിക്കും. റാന്നി ബ്ലോക്ക് പഞ്ചായത്ത് പ്രസിഡൻറ് കെ.എസ് ഗോപി, ജില്ലാ പഞ്ചായത്ത് മെമ്പർ ലേഖാ സുരേഷ്, ബ്ലോക്ക് പഞ്ചായത്ത് മെമ്പർ കോമളം അനിരുദ്ധന്‍, ഗ്രാമ പഞ്ചായത്ത് വൈസ് പ്രസിഡന്‍റ് ഡി.ശ്രീകല, സി .ഇ. ഓ ഗ്രാമപഞ്ചായത്ത് അസോസിയേഷൻ കെ.ബി മദനമോഹന്‍, സി. എസ് സുകുമാരൻ, മോഹിനി വിജയൻ, ശ്യാം എം എസ് എന്നിവർ ആശംസ അറിയിക്കും.
WANTED MARKETING MANAGER
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ (www.pathanamthittamedia.com) മാര്‍ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
