പത്തനംതിട്ട : ലോക ആരോഗ്യ സംഘടനയുടെ അംഗീകാരത്തോടെ എല്ലാവർഷവും നടത്തപ്പെടുന്ന സെപ്റ്റംബർ 8 ലോക ഫിസിയോതെറാപ്പി ദിനാചരണം പുഷ്പഗിരി മെഡിക്കൽ കോളേജ് ആശുപത്രിയുടെ ആഭിമുഖ്യത്തിൽ ഈ വർഷം സമുചിതമായി ആചരിക്കപെട്ടു. സമ്മേളന ഉദ്ഘാടനം തിരുവല്ല സബ് കളക്ടർ സഫ്ന നസറുദ്ദീൻ ഐ.എ.എസ്. നിർവഹിച്ചു. ആരോഗ്യരംഗത്ത് ഇനിയുള്ള കാലം ഫിസിയോതെറാപ്പി അത്യന്താപേക്ഷിതമാണെന്ന് സബ് കളക്ടർ അഭിപ്രായപെട്ടു. യോഗത്തിൽ അധ്യക്ഷത വഹിച്ച പുഷ്പഗിരി മെഡിക്കൽ ഡയറക്ടർ ഡോക്ടർ എബ്രഹാം വർഗീസ് ഈ ചികിത്സാ വിഭാഗത്തിന്റെ വളർച്ചയാണ് അടുത്ത ദശാബ്ദം കാണാൻ പോകുന്നത് എന്ന് പ്രത്യാശ പ്രകടിപ്പിച്ചു.
പുഷ്പഗിരി സ്ഥാപനങ്ങളുടെ ചീഫ് എക്സിക്യൂട്ടിവ് ഓഫീസർ ഫാദർ ജോസ് കല്ലുമാലിക്കൽ യോഗത്തിൽ നടത്തിയ മുഖ്യപ്രഭാഷണത്തിൽ ഫിസിയോതെറാപ്പിസ്റ്റുകൾ കഴിഞ്ഞ കാലങ്ങളിൽ ആശുപത്രിയുടെ വളർച്ചയിൽ നിർണായകമായ പങ്ക് വഹിച്ചിട്ടുണ്ട് എന്ന് അഭിപ്രായപ്പെട്ടു. ഫാദർ തോമസ് പരിയാരത്ത് സമ്മേളനത്തിൽ വെച്ച് ഫിസിയോതെറാപ്പി ഡിപ്പാർട്ട്മെൻറ് തയ്യാറാക്കിയ വ്യായാമ മുറകളെ സംബന്ധിച്ചുള്ള ലഘുരേഖ പ്രകാശനം ചെയ്തു.
യോഗത്തിന്റെ ആശംസകൾ അർപ്പിച്ചുകൊണ്ട് തിരുവല്ല മുൻസിപ്പൽ ചെയർപേഴ്സൺ അനു ജോർജ്, അസോസിയേഷൻ ജില്ലാ സെക്രട്ടറി ഡോക്ടർ വിശാൽ ജോൺസൺ, പുഷ്പഗിരി ഫിസിയോതെറാപ്പി മേധാവി ഡോക്ടർ ഷിബു ജോർജ് എന്നിവരും സംസാരിച്ചു. ഡോക്ടർ സിനിമോൾ ഷാജി സ്വാഗതവും ഡോക്ടർ ജീനാ നന്ദിയും രേഖപ്പെടുത്തി. ഡോക്ടർ ആശ അന്ന മാത്യു സന്ധിവാദത്തിന്റെ നൂതനമായ ഫിസിയോതെറാപ്പി ചികിത്സ മാർഗ്ഗങ്ങളെ കുറിച്ച് യോഗത്തിന് ശേഷം ക്ലാസ് എടുത്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
