നെടുമങ്ങാട് : അരുവിക്കര ഡാമില്‍ കൂട്ടുകാരോടൊപ്പം കുളിക്കാനിറങ്ങിയ കുതിരകുളം മിത്രംകോണം തടത്തരികത്ത് പുത്തന്‍വീട്ടില്‍ ജി.ഗോകുല്‍ (21) മുങ്ങി മരിച്ചു. ഇന്നലെ വൈകിട്ട് മൂന്നരയോടെയാണ് അപകടമുണ്ടായത്. നെടുമങ്ങാട് ഫയര്‍ഫോഴ്‌സ്‌ ഏറെനേരത്തെ തെരച്ചിലിലാണ് മൃതദേഹം കയത്തില്‍ നിന്ന് കണ്ടെത്തിയത്. കുളിക്കുന്നതിനിടെ ഗോകുലിനെ കാണാതായതോടെ കൂടെയുണ്ടായിരുന്ന രണ്ടു യുവാക്കള്‍ ബഹളം വെയ്ക്കുകയായിരുന്നു. നാലു കിലോമീറ്റര്‍ അകലെ താമസിക്കുന്ന ഗോകുല്‍ കൂട്ടുകാര്‍ക്കൊപ്പം ഇടയ്ക്കിടെ ഇവിടെ വന്ന് കുളിക്കാറുണ്ട്. പ്ലസ്‌ ടു കഴിഞ്ഞ് ഉപരിപഠനത്തിനുള്ള തയ്യാറെടുപ്പിലായിരുന്നു.അച്ഛന്‍ ഗോപാലകൃഷ്ണന്‍ മേനംകുളത്ത് സെക്യുരിറ്റി ഗാര്‍ഡാണ്‌. അമ്മ: ഷീജ. സഹോദരന്‍: അഖില്‍. അരുവിക്കര പോലീസ് കേസെടുത്തു
