പത്തനംതിട്ട : പതിനഞ്ചുകരിക്കുനേരെ ലൈംഗികാതിക്രമം കാട്ടിയയാളെ അറസ്റ്റ് ചെയ്തു. കോയിപ്രം പുറമറ്റം വെണ്ണിക്കുളം വാലാങ്കര ഗീതാസദൻ വീട്ടിൽ ശിവൻ പിള്ളയുടെ മകൻ സദൻ എന്ന് വിളിക്കുന്ന സദൻ പിള്ള (47) ആണ് കോയിപ്രം പോലീസിന്റെ പിടിയിലായത്. കുട്ടി അഞ്ചാം ക്ലാസ്സിൽ പഠിക്കുന്ന 2017 മുതൽ സ്കൂൾ വിട്ടുവരുമ്പോൾ പലദിവസങ്ങളിൽ ഇയാൾ നടത്തുന്ന കടയിൽ വെച്ച് അശ്ലീലദൃശ്യങ്ങൾ കാണിച്ചശേഷം അതിക്രമം നടത്തുകയായിരുന്നു.
ഒരിക്കൽ കുട്ടിയുടെ വീട്ടിൽ വെച്ച് ഇത്തരം ദൃശ്യങ്ങൾ കാണിക്കുകയും കയറിപ്പിടിക്കുകയും ഈമാസം മൂന്നിന് അമ്മ ഫോണിൽ വിളിക്കുന്നു എന്ന് കള്ളം പറഞ്ഞ് സ്കൂളിൽ നിന്നും വിളിച്ചിറക്കി കടയിലെത്തിച്ച് കയറിപ്പിടിച്ചശേഷം ലൈംഗിക അതിക്രമം കാണിക്കുകയും ചെയ്തു എന്നാണ് പരാതി. തുടർന്ന് കുട്ടി കോഴഞ്ചേരി മഹിളാ മന്ദിരത്തിൽ സഖി വൺ സ്റ്റോപ്പ്‌ സെന്ററിൽ കഴിഞ്ഞുവരുന്നതായി ചൈൽഡ് വെൽഫയർ കമ്മിറ്റിയിൽ നിന്നും കത്ത് കിട്ടിയതിന്റെ അടിസ്ഥാനത്തിൽ ഇന്നലെ കോയിപ്രം സ്റ്റേഷനിൽ നിന്നും വനിതാ പോലീസ് എത്തി കുട്ടിയുടെ മൊഴി രേഖപ്പെടുത്തി.
പിന്നീട് കേസ് രജിസ്റ്റർ ചെയ്ത് അന്വേഷണം തുടങ്ങിയ പോലീസ് കോഴഞ്ചേരി ജില്ലാ ആശുപത്രിയിലെത്തിച്ച് വൈദ്യപരിശോധന നടത്തുകയും റാന്നി ജെ എഫ് എം കോടതിയിൽ അപേക്ഷ കൊടുത്ത് കുട്ടിയുടെ മൊഴി എടുപ്പിക്കുകയും ചെയ്തു. ഇത്‌ സംബന്ധിച്ച് ചൈൽഡ് വെൽഫയർ കമ്മിറ്റിക്ക് റിപ്പോർട്ട്‌ നൽകി. പ്രതിക്കായി തെരച്ചിൽ നടത്തിയ പോലീസ് സംഘം തിരുവല്ല പുഷ്പഗിരി ആശുപത്രിക്ക് സമീപത്തുനിന്നും ഇന്നലെ വൈകിട്ട് കസ്റ്റഡിയിലെടുത്തു.
വിശദമായി ചോദ്യം ചെയ്തപ്പോൾ ഇയാൾ കുറ്റം സമ്മതിച്ചതിനെ തുടർന്ന് കുറ്റസമ്മതമൊഴി രേഖപ്പെടുത്തിയശേഷം അറസ്റ്റ് രേഖപ്പെടുത്തുകയായിരുന്നു. ഇയാളെ പിന്നീട് വൈദ്യപരിശോധനയ്ക്ക് വിധേയനാക്കി. മൊബൈൽ ഫോൺ തെളിവ് ശേഖരണത്തിനായി പോലീസ് പിടിച്ചെടുത്തു. പോലീസ് ഇൻസ്‌പെക്ടർ സജീഷ് കുമാറിന്റെ നിർദേശപ്രകാരം എസ് ഐ അനൂപിന്റെ നേതൃത്വത്തിലാണ് അന്വേഷണം നടക്കുന്നത്. സി പി ഒമാരായ നെബു, ഷെബി, രശ്മി എന്നിവരും സംഘത്തിലുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
